نہ انگیا نہ کرتی ہے جانی تمہاری
نہ انگیا نہ کرتی ہے جانی تمہاری نہیں پاس کوئی نشانی تمہاری ہوئی رندؔ تو زندگانی تمہاری یہی ہے اگر ناتوانی تمہاری زیادہ ہوئی یاد جانی تمہاری غرض قہر ہے مہربانی تمہاری نہ بھولوں گا ہرگز نہ بھولا ہوں اب تک عنایت کرم مہربانی تمہاری شبیہ آپ کی کھینچ دے گا یہ مانا ادا کس طرح کھینچے مانی تمہاری تباہ و خراب اک جہاں کو کیا ہے خدا کا غضب ہے جوانی تمہاری وہی کہہ رہا ہوں جو فرماتے ہو تم مری گفتگو ہے زبانی تمہاری برابر سمجھتے ہو غیروں کے مجھ کو رہے مہرباں قدردانی تمہاری دل و دیدہ لپکا ہے پھنسنے کا تم کو کہاں تک کروں پاسبانی تمہاری بس اب شکل دکھلاؤ بے جا ہے غمزہ بہت سن چکے لن ترانی تمہاری عدم کو چلا لے کے داغ محبت دکھاؤں گا سب کو نشانی تمہاری کیا امتحاں میرا سو معرکوں میں وہی ہے مگر بد گمانی تمہاری جگا کر دل زار نے ہجر کی شب سحر تک کہی ہے کہانی تمہاری برا گر نہ مانو تو سچ سچ میں کہہ دوں تم اچھے بری بد زبانی تمہاری کرم کیجیے آئیے حضرت عشق ہے خون جگر میہمانی تمہاری عبث بے سبب بے جہت روٹھتے ہو یہی تو بری خو ہے جانی تمہاری بھلا تم ہی منصف ہو للہ بولو وہ کیا بات تھی جو نہ مانی تمہاری وہ پیری میں بھی رندؔ دیکھے اب آ کر جسے یاد ہووے جوانی تمہاری
English rendering
Na angiya na kurti hai jaani tumhari Nahin paas koi nishani tumhari Hui Rind to zindagani tumhari Yehi hai agar na-tawani tumhari Ziyada hui yaad-e-jaani tumhari Gharaz qahr hai mehrbani tumhari Na bhoolunga hargiz na bhoola hoon ab tak Inayat karam mehrbani tumhari Shabeeh aap ki kheench dega ye mana Ada kis tarah kheenchi mani tumhari Tabah o kharab ek jahan ko kiya hai Khuda ka ghazab hai jawani tumhari Wohi keh raha hoon jo farmate ho tum Meri guftugu hai zabani tumhari Barabar samajhte ho ghairon ke mujh ko Rahe mehrban qadr-daani tumhari Dil o deeda lapka hai phansne ka tum ko Kahan tak karoon pasbani tumhari Bas ab shakal dikhlao be-ja hai ghamza Bahut sun chuke lan-tarani tumhari Adam ko chala le ke daagh-e-mohabbat Dikhauga sab ko nishani tumhari Kiya imtehan mera sau maarkon mein Wohi hai magar badgumani tumhari Jaga kar dil-e-zaar ne hijr ki shab Sahar tak kahi hai kahani tumhari Bura gar na mano to sach sach mein keh doon Tum achhe buri bad-zabani tumhari Karam keejiye aaiye Hazrat-e-Ishq Hai khoon-e-jigar mehmani tumhari Abas be-sabab be-jihat roothte ho Yehi to buri khoo hai jaani tumhari Bhala tum hi munsif ho lillah bolo Woh kya baat thi jo na maani tumhari Woh peeri mein bhi Rind dekhe ab aa kar Jise yaad howe jawani tumhari