نہیں قول سے فعل تیرے مطابق
نہیں قول سے فعل تیرے مطابق کہوں کس طرح تجھ کو اے یار صادق نہ جنت کے قابل نہ دوزخ کے لائق مجھے کیوں کیا خلق اے میرے خالق ہوئے ہجر میں وہ مرض مجھ کو لاحق رہے دنگ جس میں اطبائے حاذق بھروسا کرم پر ہے ہم عاصیوں کو غضب پر سمجھتے ہیں رحم اس کا فائق فقط کنہ ذات اس کی اب تک نہ سمجھے ہوئے منکشف اور سارے دقائق جھگڑ لیں گے آپس میں شیخ و برہمن تجھے کیا بکھیڑوں سے او مرد عاشق جو یہ اس کی رحمت کی طغیانیاں ہیں کجا زہد زاہد کہاں فسق فاسق کیا نفس کو مجھ پہ کیوں تو نے غالب نہ تھا کیا تری بندگی کے میں لائق نہ رکھنا مجھے اپنی رحمت سے محروم تری ذات سے ہے یہ امید واثق نہ تاب آئے گی حسن کی تیرے اے دوست میں موسیٰ نہیں ہوں جو جلوے کا شائق تجرد کا عالم تجھے کیا برا تھا ہوا کس لیے پائے بند علائق شکایت کا فقرہ زباں تک نہ آیا بہرحال کرتا رہا شکر خالق سر و چشم سے میں بجا لاؤں صاحب جو خدمت کوئی ہووے بندے کے لائق بھلا کس سے بہلاؤں دل اس چمن میں نہ سنبل نہ نسریں نہ گل نہ شقائق رولاتے ہو عاشق کو بے وجہ و باعث ہنسے گی مری جان تم پر خلائق کئے معجزے حسن نے دونوں یکجا شب تیرہ گیسو جبیں صبح صادق کہا سن کے افسانۂ قیس و لیلیٰ عبث کرتے ہو حال میں ذکر سابق گیا وہ زمانہ وہ لوگ اڑ گئے سب نہ معشوق ویسے رہے اب نہ عاشق شنیدیم نام و نشانش ندیدیم چو عنقاست معدوم یار موافق مری جان مدت سے مرتا ہوں تجھ پر ترے چاند سے منہ کا عاشق ہوں عاشق ہوا رشک لیلیٰ کی فرقت میں مجنوں مرا حال اور قیس کا ہے مطابق عبث فوق دیتا ہے تو خود کو ناداں کیا ایک کو ایک پر اس نے فائق وہ منشی بنے قدرت حق تو دیکھو جو مکتب میں پڑھتے تھے انشائے فائق دعا ہے یہی اور یہی ہے تمنا نجف میں مرے جا کے یہ رندؔ فاسق
English rendering
Nahin qaul se fe'l tere mutabiq Kahuun kis tarah tujh ko aye yaar-e-saadiq Na jannat ke qabil na dozakh ke laaiq Mujhe kyun kiya khalaq aye mere khaliq Hue hijr mein woh marz mujh ko laahiq Rahe dang jis mein atiba-e-haziq Bharosa karam par hai hum aasiyon ko Ghazab par samajhte hain rehm us ka faaiq Faqat kunh-e-zaat us ki ab tak na samjhe Hue munkashif aur saare daqaa'iq Jhagad lenge aapas mein shaikh o brahman Tujhe kya bakheron se o mard-e-aashiq Jo ye us ki rehmat ki tughyaniyan hain Kuja zuhd-e-zaahid kahan fisq-e-faasiq Kya nafs ko mujh pe kyun tu ne ghalib Na tha kya teri bandagi ke main laaiq Na rakhna mujhe apni rehmat se mahroom Teri zaat se hai ye ummeed-e-wasiq Na taab aayegi husn ki tere aye dost Main Musa nahin huun jo jalwe ka shauq Tajarrud ka aalam tujhe kya bura tha Hua kis liye paaye band-e-alaaiq Shikayat ka fiqra zaban tak na aaya Be-harhaal karta raha shukr-e-khaliq Sar o chashm se main baja laaun sahib Jo khidmat koi hove bande ke laaiq Bhala kis se behlaaun dil is chaman mein Na sunbul na nasreen na gul na shaqaiq Rolaate ho aashiq ko be wajah o baais Hanse gi meri jaan tum par khalaaiq Ki'e mojze husn ne donon yakja Shab-e-teerah geesoo jabeen subh-e-sadiq Kaha sun ke afsana-e-Qais o Laila Abas karte ho haal mein zikr-e-saabiq Gaya woh zamana woh log ud gaye sab Na ma'ashooq waise rahe ab na aashiq Shuneedem naam o nishaanash nadeedem Cho anqaast ma'doom yaar muwafiq Meri jaan muddat se marta huun tujh par Tere chand se munh ka aashiq huun aashiq Hua rashk Laila ki furqat mein Majnoon Mera haal aur Qais ka hai mutabiq Abas fauq deta hai tu khud ko nadaan Kya ek ko ek par us ne faaiq Woh munshi bane qudrat-e-Haq to dekho Jo maktab mein padhte the insha-e-faaiq Dua hai yehi aur yehi hai tamanna Najaf mein mare ja ke ye Rind faasiq