صدمے گزرے ایذا گزری
صدمے گزرے ایذا گزری ہجر میں تیرے کیا کیا گزری ہجر میں جان رہی یا گزری رندؔ کہو تم پر کیا گزری کیا کہوں تجھ سے حال فرقت گزری جو کچھ جانا گزری الفت بت نے کر دیا کافر یہ کیا بار خدایا گزری آئے نہیں تم عرصہ گزرا منع کیا کس نے کیا گزری گزرے جس دم ہم دنیا سے ہم نے جانا دنیا گزری بحر جہاں میں زیست ہماری شکل حباب دریا گزری کس سے کہیے کون سنے گا کیا کیا گزرا کیا کیا گزری کہتا تھا میں عشق سے باز آ دیکھا جو دل شیدا گزری مر بھی گئے ہم واہ ری غفلت ان کو خبر بھی نہ اصلا گزری اب تو ہے شغل خوں آشامی نوبت جام و مینا گزری کافر پر بھی نہ گزرے ایسی ہم پر جو بت ترسا گزری وقت مرگ یہ جی میں گزرا زندگی اپنی بے جا گزری نالہ کیسا آہ نہیں کی کیا کیا تجھ بن ایذا گزری ٹوٹ چکا ہے رشتۂ الفت یاس ہے اب تو تمنا گزری دوسرا تجھ سا کوئی نہ دیکھا پیش نظر اک دنیا گزری دیکھ کے حال مریض فرقت حالت ہم پہ مسیحا گزری قابل دید نہ دیکھیں آنکھیں مدت نرگس شہلا گزری غش کیوں آیا ہم سے تو کہیے کیا کچھ حضرت موسیٰ گزری کیوں کر جھیلی آفت فرقت رندؔ کہو دل پر کیا گزری
English rendering
Sadme guzre, eiza guzri Hijr mein tere kya kya guzri Hijr mein jaan rahi ya guzri Rind! kaho tum par kya guzri Kya kahu'n tujh se haal-e-furqat Guzri jo kuch, jaana guzri Ulfat-e-but ne kar diya kafir Yeh kya baar Khudaya guzri Aaye nahin tum, arsa guzra Mana kiya kis ne, kya guzri Guzre jis dam hum duniya se Hum ne jaana duniya guzri Bahr-e-jahaa'n mein zeest hamari Shakal-e-hubaab-e-darya guzri Kis se kahiye, kaun sunega Kya kya guzra, kya kya guzri Kehta tha main ishq se baaz aa Dekha jo dil-e-shaida guzri Mar bhi gaye hum, wah re ghaflat Un ko khabar bhi na asla guzri Ab to hai shughl-e-khoon-aashami Naubat-e-jaam-o-meena guzri Kafir par bhi na guzre aisi Hum par jo but-e-tarsa guzri Waqt-e-marg yeh ji mein guzra Zindagi apni be-ja guzri Nala kaisa, aah nahin ki Kya kya tujh bin eiza guzri Toot chuka hai rishta-e-ulfat Yaas hai ab to tamanna guzri Doosra tujh sa koi na dekha Pesh-e-nazar ik duniya guzri Dekh ke haal-e-mariz-e-furqat Halat hum pe Maseeha guzri Qabil-e-deed na dekhein aankhe'n Muddat-e-nargis-e-shahla guzri Ghash kyo'n aaya hum se tu kahiye Kya kuch Hazrat-e-Musa guzri Kyo'n kar jheeli aafat-e-furqat Rind! kaho dil par kya guzri