سائلانہ ان کے در پر جب مرا جانا ہوا
سائلانہ ان کے در پر جب مرا جانا ہوا ہنس کے بولے شاہ صاحب کس طرف آنا ہوا ٹوٹے بت مسجد بنی مسمار بت خانہ ہوا جب تو اک صورت بھی تھی اب صاف ویرانہ ہوا ہر جگہ موجود سمجھا اس کو سجدہ کر لیا خواہ مسجد خواہ گرجا خواہ بت خانہ ہوا باز رکھتی ہے ہمیں خدمت سے ازخود رفتگی آن نکلیں گے کبھی گر آپ میں آنا ہوا بیشتر بلبل سے تھا سر میں مرے شور جنوں فصل گل آنے نہ پائی تھی کہ دیوانہ ہوا گرمی فرقت میں جب اشکوں سے مژگاں تر ہوئیں مردمان چشم کے رہنے کو خس خانہ ہوا کارخانے جتنے ہیں دنیا کے سب ہیں بے ثبات آنکھ سے جو آج دیکھا کل وہ افسانہ ہوا ہنستے ہنستے دل لگی کے واسطے ناپا جو آج سرو کا قد اس سہی قامت کے تا شانہ ہوا یوسف مصر محبت کیسا ارزاں بک گیا نقد دل قیمت ہوئی اک بوسہ بیعانہ ہوا جل کے اس نے جان دی یہ نالے کر کے رہ گئی عشق بلبل پر بھی فائق عشق پروانہ ہوا عشق دنداں کی خطا پر قتل جو مجھ کو کیا اس لیے شمشیر قاتل میں بھی دندانہ ہوا میں نے جانا کاسۂ سر ہے کسی مے خوار کا واژگونہ دست ساقی میں جو پیمانہ ہوا مژدہ باد اے بادہ خوارو دور واعظ ہو چکا مدرسے کھولے گئے تعمیر مے خانہ ہوا رندؔ ہوں روز ازل سے ہوں میں وارفتہ مزاج اس لیے طور سخن بھی اپنا رندانہ ہوا
English rendering
Sailana un ke dar par jab mira jaana hua Hans ke bole Shah Sahib kis taraf aana hua Toote but masjid bani mismar but-khana hua Jab to ek surat bhi thi ab saaf veerana hua Har jagah maujood samjha is ko sajda kar liya Khwah masjid khwah girja khwah but-khana hua Baaz rakhti hai hamein khidmat se az khud raftagi Aan niklenge kabhi gar aap mein aana hua Beshtar bulbul se tha sar mein mere shor-e-junoon Fasl-e-gul aane na paai thi ke deevana hua Garmi-e-furqat mein jab ashkon se mizhgan tar hueen Marduman-e-chashm ke rahne ko khas-khana hua Karkhane jitne hain duniya ke sab hain be-sabaat Aankh se jo aaj dekha kal wo afsana hua Hanste hanste dil lagi ke waste naapa jo aaj Sarv ka qad is sahi qamat ke taa shana hua Yusuf-e-Misr-e-mohabbat kaisa arzan bik gaya Naqd-e-dil qeemat hui ek bosa bayaanah hua Jal ke us ne jaan di ye naale kar ke rah gai Ishq bulbul par bhi faaiq ishq parvana hua Ishq-e-dandan ki khata par qatl jo mujh ko kiya Is liye shamshir-e-qatil mein bhi dandana hua Main ne jaana kasa-e-sar hai kisi mai-khwar ka Waazhguna dast-e-saaqi mein jo paimaanah hua Muzhda baad aye bada khwaro daur-e-vaa'iz ho chuka Madarse khole gaye ta'ameer-e-mai-khana hua Rind huun roz-e-azal se huun main waarafta mizaj Is liye taur-e-sukhan bhi apna rindana hua