تہمت حسرت پرواز نہ مجھ پر باندھے
تہمت حسرت پرواز نہ مجھ پر باندھے وجہ کیا کھول کے صیاد نے پھر پر باندھے باغباں گھات میں صیاد ہمیشہ موجود آشیاں باغ میں بلبل کہو کیوں کر باندھے جو چھری دیکھ کے قصاب کی تھراتے تھے شان حق ہے وہی اب پھرتے ہیں خنجر باندھے کل کیا تھا جو مرے چاک گریباں میں رفو اس خطا پر گئے ہیں آج رفو گر باندھے ہو چکا تھا جو مرے تیز پری سے آگاہ چست کر کے مرے صیاد نے شہ پر باندھے شعرا کھائیں گے کیا کیا نہ ابھی تو دھوکے سرو باندھے کوئی اس قد کو صنوبر باندھے معجزہ لب ترا گویا کرے اے رشک کلیم جو زباں سحر سے یہ چشم فسوں گر باندھے مطمئن بیٹھ تو صیاد نہ کر قید شدید ہوں میں پابند محبت ترا بے پر باندھے باغ عالم میں اسی کے لیے ہے نشو و نما صورت غنچہ رہے گانٹھ میں جو زر باندھے بوسہ مانگا جو شب وصل تو بولا ہنس کر کہیں ایسا نہ ہو ہر روز کی تو کر باندھے دل کی بیتابی سے ٹانکے مرے سب ٹوٹ گئے پٹی جراح کہو زخم پہ کیوں کر باندھے لے تو جائے گا خط شوق مگر رشک یہ ہے آشیاں بام پر اس کے نہ کبوتر باندھے امتی کیا کریں الجوع نہ چلائیں اگر بھوک میں جبکہ نبی پیٹ پہ پتھر باندھے افترا کرنے میں طوفان ہے وہ شوخ ظریف توتیا تازہ کوئی اور نہ مجھ پر باندھے مجھ سا محرم ترے محرم کا نہ ہوگا کوئی بیشتر کھول دیے بند اور اکثر باندھے دست صنعت سے بنے اس کے اگر تجھ سا بت کیوں ہوا اپنی خدائی کی نہ آذر باندھے شاعری کے لئے لازم ہے تلازم نہ چھٹے لعل لب کو ترے تو دانتوں کو گوہر باندھے پائے رفتار اگر ہوتے تو چلتا پھرتا رندؔ مردا سا پڑا رہتا نہ یوں سر باندھے
English rendering
Tohmat-e-hasrat-e-parwaz na mujh par bandhe Wajah kya khol ke sayyad ne phir par bandhe Baghban ghaat mein sayyad hamesha maujood Aashiyan bagh mein bulbul kaho kyun kar bandhe Jo chhuri dekh ke qassab ki tharrate thhe Shaan-e-Haq hai wohi ab phirte hain khanjar bandhe Kal kiya tha jo mere chaak-e-gareban mein rafu Is khata par gaye hain aaj rafu-gar bandhe Ho chuka tha jo mere tez-pari se aagah Chust kar ke mere sayyad ne sheh-par bandhe Shuara khaayenge kya kya na abhi to dhoke Sarv bandhe koi is qad ko sanobar bandhe Mo'jiza lab tera goya kare aye rashk-e-Kaleem Jo zaban-e-sihr se ye chashm-e-fasoon-gar bandhe Mutmain baith tu sayyad na kar qaid-e-shadeed Hoon main paband-e-mohabbat tera be-par bandhe Bagh-e-alam mein isi ke liye hai nashv o numa Soorat-e-ghuncha rahe gaanth mein jo zar bandhe Bosa manga jo shab-e-wasl to bola hans kar Kahin aisa na ho har roz ki tu kar bandhe Dil ki betaabi se tanke mere sab toot gaye Patti jarrah kaho zakhm pe kyun kar bandhe Le to jayega khat-e-shauq magar rashk ye hai Aashiyan baam par us ke na kabootar bandhe Umati kya karein al-ju' na chilaein agar Bhook mein jabke Nabi pet pe patthar bandhe Iftira karne mein toofan hai woh shokh-e-zareef Tootiya taza koi aur na mujh par bandhe Mujh sa mahram tere mahram ka na hoga koi Beshtar khol diye band aur aksar bandhe Dast-e-san'at se bane us ke agar tujh sa but Kyun hua apni khudai ki na Azar bandhe Sha'iri ke liye lazim hai talazim na chhute La'l-e-lab ko tere tu daanton ko gauhar bandhe Pay-e-raftaar agar hote to chalta phirta Rind marda sa pada rehta na yun sar bandhe