یار آیا ہے احوال دل زار دکھاؤ
یار آیا ہے احوال دل زار دکھاؤ عیسیٰ کو ذرا حالت بیمار دکھاؤ آ جاؤ بس اب راہ نہ اے یار دکھاؤ مشتاق ہوں مشتاق ہوں دیدار دکھاؤ عالم ہے سو ہے ہجر میں یاں جوش جنوں کا صحرا مجھے دکھلاؤ کہ گل زار دکھاؤ فرداے قیامت کا نہ اقرار کرو جاں لو حشر سہی آج ہی دیدار دکھاؤ عاشق ہیں بہت ایک تو چن کر کوئی مجھ سا پشتے کی طرح پشت بہ دیوار دکھاؤ عالم نظر آ جائے بہار اور خزاں کا ہم زرد ہوں تم پھول سے رخسار دکھاؤ تلوار لگاؤ مجھے گولی سے نہ مارو تل ڈھانک لو اور ابروئے خم دار دکھاؤ ہر دم متقاضی ہے یہی حسرت دیدار پھر ایک نظر جلوۂ دل دار دکھاؤ فرماتے ہو عاشق ہیں مرے تجھ سے ہزاروں اے جان زیادہ نہیں دو چار دکھاؤ عشق ابرو و مژگاں کا بتو ساتھ ہے دم کے خنجر مجھے دکھلاؤ کہ تلوار دکھاؤ میں قبر سے بھی رندؔ یہی کہتا اٹھوں گا مشتاق ہوں مشتاق ہوں دیدار دکھاؤ
English rendering
Yaar aaya hai ahwal-e-dil-e-zaar dikhao Isa ko zara halat-e-bemaar dikhao Aa jaao bas ab rah na aye yaar dikhao Mushtaq hoon mushtaq hoon didar dikhao Alam hai so hai hijr mein yan josh-e-junoon ka Sahra mujhe dikhlao ke gulzaar dikhao Farda-e-qayamat ka na iqrar karo jaan Lo hashr sahi aaj hi didar dikhao Aashiq hain bahut ek to chun kar koi mujh sa Pushte ki tarah pusht ba deewar dikhao Alam nazar aa jaye bahar aur khazan ka Hum zard hon tum phool se rukhsar dikhao Talwar lagao mujhe goli se na maaro Til dhank lo aur abroo-e-khamdaar dikhao Har dam mutaqazi hai yehi hasrat-e-didar Phir ek nazar jalwa-e-dil-dar dikhao Farmate ho aashiq hain mere tujh se hazaron Aye jaan ziyada nahin do chaar dikhao Ishq-e-abroo o muzhgan ka buto saath hai dam ke Khanjar mujhe dikhlao ke talwar dikhao Main qabr se bhi Rind yehi kehta uthoon ga Mushtaq hoon mushtaq hoon didar dikhao