زمانے میں وہ مہ لقا ایک ہے
زمانے میں وہ مہ لقا ایک ہے ہزاروں میں وہ دل ربا ایک ہے خداوند ارض و سما ایک ہے قسم ہے خدا کی خدا ایک ہے برابر ہے اپنا وجود و عدم ہماری بقا اور فنا ایک ہے عدم ابتدا ہے عدم انتہا مری ابتدا انتہا ایک ہے نہ ہوں گے یہ حادث رہے گا قدیم غرض سب ہیں فانی بقا ایک ہے ذرا غور سے مرأت دل کو دیکھ یہ آئینۂ حق نما ایک ہے جنہیں کفر و الحاد کہتا ہے شیخ فقط پھیر ہے راستا ایک ہے جہاں میں ہیں غافل بہت سے طریق مگر راہ صدق و صفا ایک ہے مآل سخن ذکر ہے یار کا کہوں سو طرح مدعا ایک ہے محل فقر کا ہے عجائب مقام یہاں مسند و بوریا ایک ہے کہاں اس کے آگے کسی کا فروغ وہ خورشید رو مہ لقا ایک ہے فضیلت ملی ایک کو ایک پر غرض ایک سے یاں سوا ایک ہے بچے گا نہ کاوش سے مژگاں کے دل کہ نشتر بہت آبلہ ایک ہے جفاکار دم باز کاذب محیل میں واقف ہوں وہ بے وفا ایک ہے ہے انبوہ عشاق عیسیٰ کے گھر مریض اتنے دار الشفا ایک ہے نہیں بچتا دونوں کا مارا ہوا تری زلف اور اژدہا ایک ہے نہ آنا تو اس زلف کے پیچ میں ارے دل وہ کالی بلا ایک ہے ہزاروں شہید محبت ہیں دفن گلی اس کی اور کربلا ایک ہے ہر اک درد کا ہے مداوا وہ لب مرض سیکڑوں ہیں دوا ایک ہے دوئی کو نہ دے دل میں غافل جگہ زباں ایک ہے اور خدا ایک ہے کہو گے جو کچھ تو سنو گے بھی رندؔ ہنسی میں تو شاہ و گدا ایک ہے
English rendering
Zamane mein woh mah-laqa ek hai Hazaron mein woh dilruba ek hai Khudavand-e-arz o sama ek hai Qasam hai Khuda ki Khuda ek hai Barabar hai apna wajood o adam Hamari baqa aur fana ek hai Adam ibtida hai adam intiha Meri ibtida intiha ek hai Na honge ye hadis rahega qadeem Gharaz sab hain faani baqa ek hai Zara ghaur se mir'at-e-dil ko dekh Ye aaina-e-haq-numa ek hai Jinhein kufr o ilhad kehta hai shaikh Faqat pher hai rasta ek hai Jahan mein hain ghafil bahut se tareeq Magar rah-e-sidq o safa ek hai Ma'al-e-sukhan zikr hai yaar ka Kahoon sau tarah muddaa ek hai Mahal-e-faqr ka hai ajaib maqam Yahan masnad o boriya ek hai Kahan us ke aage kisi ka farogh Woh khurshid-roo mah-laqa ek hai Fazilat mili ek ko ek par Gharaz ek se yan siwa ek hai Bachega na kaawish se muzhgan ke dil Ke nishtar bahut aabla ek hai Jafakar dam-baaz kazib muheel Main waqif hoon woh bewafa ek hai Hai ambuh-e-ushshaq Isa ke ghar Mareez itne daar-ush-shifa ek hai Nahin bachhta donon ka mara hua Teri zulf aur ajdaha ek hai Na aana to is zulf ke pech mein Arre dil woh kaali bala ek hai Hazaron shaheed-e-mohabbat hain dafn Gali us ki aur Karbala ek hai Har ek dard ka hai mudawa woh lab Maraz saikdon hain dawa ek hai Dooyi ko na de dil mein ghafil jagah Zaban ek hai aur Khuda ek hai Kaho ge jo kuchh to suno ge bhi Rind Hansi mein to shah o gada ek hai