سزا وارِ رشکِ جہاں ہو گئے ہم
سزا وارِ رشکِ جہاں ہو گئے ہم تِرے عشق میں بے نشاں ہو گئے ہم فسانہ غمِ ہجر کا کہتے کہتے خود عبرت کی اک داستاں ہو گئے ہم شب و روز بڑھتی گئی سوزشِ غم یہاں تک کہ آتش بجاں ہو گئے ہم تِرے آستاں تک تو لائی تھی وحشت خدا جانے پھر گم کہاں ہو گئے ہم تصدق تِرے، آہ، اے دردِ الفت تجھے پا کے صاحبقراں ہو گئے ہم ہوا موجزن جب کہ دریائے الفت حدیں توڑ دیں بیکراں ہو گئے ہم بڑھا دردِ دل بھی تو کب آہ ساحرؔ کہ جب بے نیازِ فغاں ہو گئے ہم
English rendering
Saza war-e-rishk-e-jahan ho gaye hum Tere ishq mein be-nishan ho gaye hum Fasana-e-gham-e-hijr ka kehte kehte Khud ibarat ki ik dastaan ho gaye hum Shab-o-roz badhti gai sozish-e-gham Yahan tak ke aatish-ba-jaan ho gaye hum Tere aastan tak to laai thi wahshat Khuda jaane phir gum kahan ho gaye hum Tassadduq tere, aah, ae dard-e-ulfat Tujhe pa ke sahib-qiran ho gaye hum Hua maujzan jab ke darya-e-ulfat Hadein tod dein be-karaan ho gaye hum Badha dard-e-dil bhi to kab aah Sahir, Ke jab be-niyaz-e-fughan ho gaye hum