آ اپنے دل میں میری تمنا لیے ہوئے
آ اپنے دل میں میری تمنا لیے ہوئے شوق کلام و ذوق تماشا لیے ہوئے دل لے کے خود کو رہتے ہیں کیا کیا لیے ہوئے شیشے وہی تو ہیں مری دنیا لیے ہوئے محرومیوں پہ دل کی مٹا جا رہا ہوں میں ہے خاک تیرا نقش کف پا لیے ہوئے تاریکی فضا کا شکایت گزار ہوں سینے میں آفتاب سویدا لیے ہوئے پہلے مرے سہارے پہ تھا کار و بار زیست اب میں ہوں زندگی کا سہارا لیے ہوئے جی چاہتا ہے عمر محبت نہ ختم ہو مر جائیے کسی کی تمنا لیے ہوئے اپنا وقار عشق کبھی آزما کے دیکھ ہوگی جبین حسن بھی سجدا لیے ہوئے خوش ہوں کہ جیسے گود میں ہے لعل شب چراغ دامن میں اپنے لالۂ صحرا لیے ہوئے نعش رواں ہوں زیست ہے میری فریب زیست پھرتا ہوں زندگی کا جنازہ لیے ہوئے جوش جنوں میں عالم وارفتگی نہ پوچھ صحرا سے ہم گزر گئے صحرا لیے ہوئے سر ان کے آستاں پہ جو پہنچے تو ہو یقیں سودا لیے ہوئے ہے کہ سجدا لیے ہوئے ہم طور پر گئے بھی تو اس شان سے گئے موسیٰ کھڑے رہے ید بیضا لیے ہوئے اے حسن میرے حال میں تو بھی شریک ہو دونوں جہاں کا بار ہوں تنہا لیے ہوئے بے پردہ بے تعین و بے نام دیکھ اسے وہ تو ہے صرف نام کا پردا لیے ہوئے سیمابؔ قدرداں ہیں مرے خان جانسٹھ حاضر ہوا ہوں فکر کا ہدیا لیے ہوئے
English rendering
Aa apne dil mein meri tamanna liye hue Shauq-e-kalaam-o-zauq-e-tamasha liye hue Dil le ke khud ko rehte hain kya kya liye hue Sheeshe wohi to hain meri duniya liye hue Mehroomiyon pe dil ki miṭa jaa raha hoon main Hai khaak tera naqsh-e-kaf-e-paa liye hue Tareeki-e-faza ka shikaayat-guzaar hoon Seene mein aaftaab-e-saweeda liye hue Pehle mere sahaare pe tha kaar-o-baar-e-zeest Ab main hoon zindagi ka sahaara liye hue Jee chahta hai umr-e-mohabbat na khatm ho Mar jaaiye kisi ki tamanna liye hue Apna waqaar-e-ishq kabhi aazma ke dekh Hogi jabeen-e-husn bhi sajda liye hue Khush hoon ke jaise god mein hai la'al-e-shab-charagh Daaman mein apne laala-e-sehra liye hue Na'ash rawaan hoon, zeest hai meri fareb-e-zeest Phirta hoon zindagi ka janaaza liye hue Josh-e-junoon mein aalam-e-waaraftagi na poochh Sehra se hum guzar gaye sehra liye hue Sar un ke aastaan pe jo pahunche to ho yaqeen Sauda liye hue hai ke sajda liye hue Hum Toor par gaye bhi to us shaan se gaye Moosa khaṛe rahe yad-e-baiẓa liye hue Aye husn mere haal mein tu bhi shareek ho Dono jahan ka baar hoon tanha liye hue Be-parda be-ta'ayyun-o-be-naam dekh use Woh to hai sirf naam ka parda liye hue Seemab! qadrdaan hain mere Khan Jansanth Haazir hua hoon fikr ka hadya liye hue