میری ہولی
کاش حاصل ہو حقیقی زندگی کا ایک دن سر خوشی کا ایک لمحہ یا خوشی کا ایک دن کر دیا ہے شورش عالم نے دیوانہ مجھے ہے بساط دہر وحشت ناک ویرانہ مجھے اک نئی دنیا کی خلقت ہے مری تخئیل میں جو معاون ہو سکے انسان کی تکمیل میں اہتمام زندگی جس میں بطور خاص ہو آسماں جس کا محبت ہو زمیں اخلاص ہو کرشن کی آج یاد رفتہ محفل زندہ کرو برج و گوکل کی بجھی شمعوں کو تابندہ کرو خشکیٔ گنگ و جمن کی آبیاری کے لئے دعوتیں دو گوپیوں کو رنگ باری کے لئے از سر نو پھر مرتب ہو جہان رنگ و بو خار و خس سے پھر ہو پیدا کارخانے رنگ و بو پریم رس سے لاؤ بھر کر خوش نما پچکاریاں ہوں نئی دامان ہستی پر لطافت باریاں روح کی آواز ہم آئیں گے ساز و چنگ ہو جو پڑے انساں پہ وہ انسانیت کا رنگ ہو چاہتا ہوں یوں ہو رنگیں پیرہن اور ساریاں شست و شو سے بھی نہ زائل ہو سکیں گل کاریاں جسم کی صورت رہے دل بھی مسرت میں شریک روح آزادی بھی ہو جائے حقیقت میں شریک چاہتا ہوں گلشن کہنہ پر آ جائے شباب تنکا تنکا پھول ہو اور پتا پتا آفتاب تازگی وجہ شگفت خاطر عالم رہے میری دنیا میں ہمیشہ ایک ہی موسم رہے شاعر و صناع ہو فکر و خلش سے بے نیاز خواجہ و مزدور میں باقی نہ ہو کچھ امتیاز ارتقا کے رنگ سے لبریز جھولی ہو میری انقلاب ایسا کوئی ہو لے تو ہولی ہو میری
English rendering
Kaash hasil ho haqeeqi zindagi ka ek din Sar khushi ka ek lamha ya khushi ka ek din Kar diya hai shoresh-e-aalam ne deewane mujhe Hai basat-e-dahar wahshat naak veerana mujhe Ek nai duniya ki khalqat hai meri takhaiyyul mein Jo muawin ho sake insaan ki takmeel mein Ahtemaam-e-zindagi jis mein batour-e-khaas ho Asmaan jis ka mohabbat ho zameen ikhlaas ho Krishn ki aaj yaad-e-rafta mahfil zinda karo Brij o Gokul ki bujhi shammaon ko tabinda karo Khushki-e-Gang o Jamun ki aabyari ke liye Daawatein do Gopiyon ko rang-bazi ke liye Az sar-e-nau phir murattab ho jahan-e-rang o boo Khar o khas se phir ho paida karkhane rang o boo Prem ras se laao bhar kar khush numa pichkariyan Hon nai daman-e-hasti par latafat bariyan Rooh ki aawaz hum aayen ge saaz o chang ho Jo pade insaan pe wo insaniyat ka rang ho Chahta hun yoon ho rangeen pairahan aur sarian Shust o sho se bhi na zail ho saken gul-karian Jism ki soorat rahe dil bhi masarrat mein shareek Rooh azadi bhi ho jaye haqeeqat mein shareek Chahta hun gulshan-e-kohna par aa jaye shabab Tinka tinka phool ho aur patta patta aftab Tazagi wajah-e-shaguft-e-khatir-e-aalam rahe Meri duniya mein hamesha ek hi mausam rahe Shair o sannaa ho fikr o khalish se be-niyaz Khwaja o mazdoor mein baqi na ho kuch imtiyaz Irtiqa ke rang se labrez jholi ho meri Inqilab aisa koi ho le to holi ho meri