آنکھ سے ٹپکا جو آنسو وہ ستارا ہو گیا
آنکھ سے ٹپکا جو آنسو وہ ستارا ہو گیا میرا دامن آج دامان ثریا ہو گیا اس کے جی میں کیا یہ آئی یہ اسے کیا ہو گیا خود چھپا عالم سے اور خود عالم آرا ہو گیا بندۂ معنیٰ کہاں صورت کا بندا ہو گیا سوچتا ہوں مجھ کو کیا ہونا تھا میں کیا ہو گیا پھر تصور نے بڑھا دی نالۂ موزوں کی لے پھر سواد فکر سے اک شعر پیدا ہو گیا اب کہاں مایوسیوں میں جھلکیاں امید کی وہ بھی کیا دن تھے کہ تیرا غم گوارا ہو گیا جان دے دی میں نے تنگ آ کر وفور درد سے آج منشائے جفائے دوست پورا ہو گیا برہمن کہتا تھا برہم شیخ بول اٹھا احد حرف کے اک پھیر سے دونوں میں جھگڑا ہو گیا وحدت و کثرت کے جلوے خلقت انساں میں دیکھ ایک ذرہ اس قدر پھیلا کہ دنیا ہو گیا بربریت کی جہاں میں گرم بازاری ہوئی آدمیت کی رگوں میں خون ٹھنڈا ہو گیا آشیاں بننے نہ پایا تھا کہ بجلی گر پڑی باغ ابھی بسنے نہ پایا تھا کہ صحرا ہو گیا آ گیا سیلاب بالیں تک وفور گریہ سے رحم کر یا رب کہ پانی سر سے اونچا ہو گیا اتفاق وقت تھا اپنا فروغ آشیاں جب کوئی جگنو چمک اٹھا اجالا ہو گیا دل کھنچا جتنا قفس میں آشیانے کی طرف دور اتنا ہی قفس سے آشیانا ہو گیا ہم مسافر تھے ہمارا مستقر کوئی نہ تھا رات جب آئی جہاں آئی بسیرا ہو گیا ہو گئے رخصت رئیسؔ و عالیؔ و واصفؔ نثارؔ رفتہ رفتہ آگرہ سیمابؔ سونا ہو گیا
English rendering
Aankh se tapka jo aansoo woh sitaara ho gaya Mera daaman aaj daaman-e-suraiya ho gaya Us ke jee mein kya yeh aayi, yeh use kya ho gaya Khud chhupa aalam se aur khud aalam-aara ho gaya Banda-e-ma'ani kahaan soorat ka banda ho gaya Sochta hoon mujh ko kya hona tha, main kya ho gaya Phir tasavvur ne baṛha di nala-e-mauzoon ki lay Phir sawaad-e-fikr se ek sher paida ho gaya Ab kahaan mayusiyon mein jhalakiyan ummeed ki Woh bhi kya din the ke tera gham gawaara ho gaya Jaan de di main ne tang aa kar wufuur-e-dard se Aaj mansha-e-jafa-e-dost poora ho gaya Brahmin kehta tha braham, shaikh bol uṭha Ahad Harf ke ek pher se dono mein jhagaṛa ho gaya Wahdat-o-kasrat ke jalwe khilqat-e-insaan mein dekh Ek zarra is qadar phaila ke duniya ho gaya Barbariyat ki jahaan mein garm-bazaari hui Aadamiyat ki ragon mein khoon ṭhanḍa ho gaya Aashiyan banne na paaya tha ke bijli gir paṛi Baagh abhi basne na paaya tha ke sehra ho gaya Aa gaya sailaab baaleen tak wufuur-e-girya se Reham kar ya Rabb ke paani sar se ooncha ho gaya Ittifaq-e-waqt tha apna farogh-e-aashiyan Jab koi jugnu chamak uṭha ujaala ho gaya Dil khincha jitna qafas mein aashiyane ki taraf Duur itna hi qafas se aashiyana ho gaya Hum musafir the hamaara mustaqar koi na tha Raat jab aayi jahaan aayi basera ho gaya Ho gaye rukhsat Ra'ees! o Aali! o Waasif! Nisaar! Rafta rafta Agra Seemab! soona ho gaya