سبو پر جام پر شیشے پہ پیمانے پہ کیا گزری
سبو پر جام پر شیشے پہ پیمانے پہ کیا گزری نہ جانے میں نے توبہ کی تو مے خانے پہ کیا گزری ملیں تو فائزان منزل مقصود سے پوچھوں گزر گاہ محبت سے گزر جانے پہ کیا گزری کسی کو میرے کاشانے سے ہمدردی نہیں شاید ہر اک یہ پوچھتا ہے میرے کاشانے پہ کیا گزری نہ ہو جو زندگی انجام وہ وجدان ناقص ہے حضور شمع بعد وجد پروانے پہ کیا گزری بتائیں برہمن اور شیخ ان کی خانہ جنگی میں خدا خانے پہ کیا بیتی صنم خانے پہ کیا گزری تو اپنے ہی مآل سوز غم پر غور کر پہلے تجھے اس سے نہیں کچھ بحث پروانے پہ کیا گزری کسی حکمت سے کر دے کوئی گویا مرنے والوں کو یہ راز اب تک ہے سربستہ کہ مر جانے پہ کیا گزری تری ہر سو تجلی اور میری ہر طرف نظریں تجھے تو یاد ہوگا آئینہ خانے پہ کیا گزری زباں منہ میں ہے عرض حال کر تو نے تو دیکھا ہے کہ خوئے ضبط و خاموشی سے پروانے پہ کیا گزری وہ کہتا تھا خدا جانے بہار آئے تو کیا گزرے خدا جانے بہار آئی تو دیوانے پہ کیا گزری یہ ہے سیمابؔ اک نا گفتہ بہ افسانہ کیا کہیے وطن سے کنج غربت میں چلے آنے پہ کیا گزری
English rendering
Sabu par jaam par sheeshe pe paimane pe kya guzri Na jaane maine tauba ki to mai-khane pe kya guzri Milein to faizan-e-manzil-e-maqsood se poochun Guzar-gah-e-mohabbat se guzar jaane pe kya guzri Kisi ko mere kashane se hamdardi nahin shayad Har ek ye poochhta hai mere kashane pe kya guzri Na ho jo zindagi anjaam wo wajdaan-e-naaqis hai Huzoor-e-shama ba'd-e-wajd parwane pe kya guzri Batayen Brahman aur Shaikh in ki khana-jangi mein Khuda khane pe kya beeti sanam khane pe kya guzri Tu apne hi maal-e-soz-e-gham par ghaur kar pehle Tujhe is se nahin kuch bahas parwane pe kya guzri Kisi hikmat se kar de koi goya marne walon ko Ye raaz ab tak hai sarbasta ke mar jaane pe kya guzri Teri har soo tajalli aur meri har taraf nazrein Tujhe to yaad hoga aaina khane pe kya guzri Zabaan munh mein hai arz-e-haal kar tu ne to dekha hai Ke khuy-e-zabt-o-khamoshi se parwane pe kya guzri Wo kehta tha Khuda jaane bahaar aaye to kya guzre Khuda jaane bahaar aayi to deewane pe kya guzri Ye hai Seemab ek na gufta beh afsana kya kahiye Watan se kunj-e-ghurbat mein chale aane pe kya guzri