ضبط سے نا آشنا ہم صبر سے بیگانہ ہم
ضبط سے نا آشنا ہم صبر سے بیگانہ ہم کیوں کسی سے مانگتے جائیں چراغ خانہ ہم خود ہی ساز بے خودی کو چھیڑ دیتے ہیں کبھی خود ہی سنتے ہیں حدیث ساغر و پیمانہ ہم دفعتاً ساز دو عالم بے صدا ہو جائے گا کہتے کہتے رک گئے جس دن ترا افسانہ ہم شمع ایوان حرم ہو یا چراغ طاق دیر ہم کو دونوں سے تعلق ہے کہ ہیں پروانہ ہم دل جلا پھر خود جلے پھر ساری دنیا جل اٹھی سوز لائے تھے بمقدار پر پروانہ ہم جب ہمیں دیوانہ بننا ہے تو کیسی مصلحت مصلحت کو بھی بنا لیں گے ترا دیوانہ ہم بسکہ ہے سیمابؔ بے مہری یگانوں کا شعار ہیں رہین التفات خاطر بیگانہ ہم
English rendering
Zabt se naa-ashna hum sabr se be-ganah hum Kyon kisi se maangte jayen chiragh-e-khane hum Khud hi saaz-e-be-khudi ko chher dete hain kabhi Khud hi sunte hain hadees-e-saaghar-o-paimane hum Dafatan saaz-e-do alam be-sada ho jaayega Kehte kehte ruk gaye jis din tera afsana hum Shama-e-aiwaan-e-haram ho ya chiragh-e-taaq-e-dair Hum ko donon se talluq hai ke hain parwane hum Dil jala phir khud jale phir saari duniya jal uthi Soz laaye the ba-miqdar-e-pur parwana hum Jab hamein deewanana banna hai to kaisi maslehat Maslehat ko bhi bana len ge tera deewanana hum Bas-ke hai Seemab be-mehri-e-yaganon ka shi'aar Hain rahe-e-iltifat-e-khatir-e-begana hum