اب ایسے چاک پر کوزہ گری ہوتی نہیں تھی
اب ایسے چاک پر کوزہ گری ہوتی نہیں تھی کبھی ہوتی تھی مٹی اور کبھی ہوتی نہیں تھی بہت پہلے سے افسردہ چلے آتے ہیں ہم تو بہت پہلے کہ جب افسردگی ہوتی نہیں تھی ہمیں ان حالوں ہونا بھی کوئی آسان تھا کیا محبت ایک تھی اور ایک بھی ہوتی نہیں تھی دیا پہنچا نہیں تھا آگ پہنچی تھی گھروں تک پھر ایسی آگ جس سے روشنی ہوتی نہیں تھی نکل جاتے تھے سر پر بے سر و سامانی لادے بھری لگتی تھی گٹھری اور بھری ہوتی نہیں تھی ہمیں یہ عشق تب سے ہے کہ جب دن بن رہا تھا شب ہجراں جب اتنی سرسری ہوتی نہیں تھی ہمیں جا جا کے کہنا پڑتا تھا ہم ہیں یہیں ہیں کہ جب موجودگی موجودگی ہوتی نہیں تھی بہت تکرار رہتی تھی بھرے گھر میں کسی سے جو شے درکار ہوتی تھی وہی ہوتی نہیں تھی تمہی کو ہم بسر کرتے تھے اور دن ماپتے تھے ہمارا وقت اچھا تھا گھڑی ہوتی نہیں تھی
English rendering
Ab aise chaak par koza-gari hoti nahi'n thi Kabhi hoti thi mitti aur kabhi hoti nahi'n thi Bahut pehle se afsurda chale aate hai'n hum toh Bahut pehle ke jab afsurdagi hoti nahi'n thi Humei'n in haalo'n hona bhi koi aasaan tha kya Mohabbat ek thi aur ek bhi hoti nahi'n thi Diya pahuncha nahi'n tha aag pahunchi thi gharo'n tak Phir aisi aag jis se roshni hoti nahi'n thi Nikal jaate the sar par be-sar-o-saamani laade Bhari lagti thi gathdi aur bhari hoti nahi'n thi Humei'n yeh ishq tab se hai ke jab din ban raha tha Shab-e-hijra'n jab itni sarsari hoti nahi'n thi Humei'n ja ja ke kehna padta tha hum yehi'n hai'n Ke jab maujoodgi maujoodgi hoti nahi'n thi Bahut takraar rehti thi bhare ghar mei'n kisi se Jo shai darkaar hoti thi wahi hoti nahi'n thi Tumhi ko hum basar karte the aur din maapte the Humara waqt achha tha ghadi hoti nahi'n thi