اک ذرا حالت وحشت میں رکھا جائے مجھے
اک ذرا حالت وحشت میں رکھا جائے مجھے میرا بھولا ہوا دل یاد تو آ جائے مجھے عشق میں ایک یہی نام دیا جائے مجھے سر بہ سر دل ہوں تو کیوں دل نہ کہا جائے مجھے میں نہیں چاہتا آنکھوں کو کسی پار لگاؤں بس یہ دریا نظر آتا ہی چلا جائے مجھے میں نئے وقت میں آباد ہوا چاہتا ہوں سو نئے خواب سے تعبیر کیا جائے مجھے اب یہ اصرار کہ یہ دشت بھی بولیں مرے ساتھ پہلے ضد یہ تھی کہ بس یوںہی سنا جائے مجھے مجھے لے آئی ہے یاں گم شدہ لہروں کی تلاش اس روانی میں بس اب چھوڑ دیا جائے مجھے یوں اترتا ہوں میں اس بام طلب سے شاہینؔ خود مرا نقش کف پا ہی نہ کھا جائے مجھے
English rendering
Ak zara halat-e-wahshat mein rakha jaae mujhe Mera bhoola hua dil yaad to aa jaae mujhe Ishq mein ek yehi naam diya jaae mujhe Sar ba sar dil hoon to kyun dil na kaha jaae mujhe Main nahin chahta aankhon ko kisi paar lagaaun Bas ye darya nazar aata hi chala jaae mujhe Main naye waqt mein abad hua chahta hoon So naye khwab se ta'beer kiya jaae mujhe Ab ye israar ke ye dasht bhi bolen mere saath Pehle zid ye thi ke bas yoon hi suna jaae mujhe Mujhe le aayi hai yahan gum-shuda lehron ki talash Is rawani mein bas ab chhod diya jaae mujhe Yoon utarta hoon main us baam-e-talab se Shaheen Khud mera naqsh-e-kaf-e-pa hi na kha jaae mujhe