بنتے بنتے اپنے پیچ و خم بنے
بنتے بنتے اپنے پیچ و خم بنے تو بنا پھر میں بنا پھر ہم بنے ایک آنسو تھا گرا اور چل پڑا ایک عالم تھا سو دو عالم بنے اک قدم اٹھا کہیں پہلا قدم خاک اڑی اور اپنے سارے غم بنے اپنی آوازوں کو چپ رہ کر سنا تب کہیں جا کر یہ زیر و بم بنے آنکھ بننے میں بہت دن لگ گئے دیکھیے کب آنکھ اندر نم بنے زخم کو بے رہ روی میں رہ ملی خون کے چھینٹے اڑے عالم بنے ہم کہاں تھے اس سمے اس وقت جب تیرے اندر کے یہ سب موسم بنے
English rendering
Bante bante apne pech-o-kham bane Tu bana phir main bana phir hum bane Ek aansoo tha gira aur chal paṛa Ek aalam tha so do aalam bane Ik qadam uṭha kahin pehla qadam Khak uṛi aur apne saare gham bane Apni awazon ko chup rah kar suna Tab kahin ja kar yeh zer-o-bam bane Aankh banne mein bahut din lag gaye Dekhiye kab aankh andar nam bane Zakhm ko be-rah ravi mein rah mili Khoon ke chheente uṛe aalam bane Hum kahan the is samay is waqt jab Tere andar ke yeh sab mausam bane