دانے کے بعد کچھ نہیں دام کے بعد کچھ نہیں
دانے کے بعد کچھ نہیں دام کے بعد کچھ نہیں صبح کے بعد شام ہے شام کے بعد کچھ نہیں خواب کا آخری خمار آنکھ میں ہے کچھ انتظار نیند ذرا سا کام ہے کام کے بعد کچھ نہیں خاک خراب ہوں زمیں تو مرا ماجرا نہ سن نقش کے بعد نام تھا نام کے بعد کچھ نہیں شہر کی حد بھی ماپ لی شام بھی دل پہ چھاپ لی ایک چراغ اور ایک بام کے بعد کچھ نہیں وصل گیا تو ہجر تھا ہجر گیا تو کچھ نہ تھا خاص کے بعد عام ہوں عام کے بعد کچھ نہیں جسم کا نشہ پی چکے اپنی طرف سے جی چکے چلیے کہ جام الٹ چکا جام کے بعد کچھ نہیں
English rendering
Daane ke baad kuch nahin daam ke baad kuch nahin Subah ke baad shaam hai shaam ke baad kuch nahin Khwab ka aakhri khumaar aankh mein hai kuch intezaar Neend zara sa kaam hai kaam ke baad kuch nahin Khaak-e-kharab hoon zameen toh mera maajra na sun Naqsh ke baad naam tha naam ke baad kuch nahin Shehar ki hadd bhi maap li shaam bhi dil pe chaap li Ek charaagh aur ek baam ke baad kuch nahin Wasl gaya toh hijr tha hijr gaya toh kuch na tha Khaas ke baad aam hoon aam ke baad kuch nahin Jism ka nasha pee chuke apni taraf se ji chuke Chaliye ke jaam ulat chuka jaam ke baad kuch nahin