دشت و دریا سے بھی کچھ ملنا ملانا ہوا ہے
دشت و دریا سے بھی کچھ ملنا ملانا ہوا ہے جیسے جیسے مرا آئینہ پرانا ہوا ہے دل تک آنے کا ہمیں اذن کہاں تھا پہلے آپ آئے ہیں تو کچھ دیر کو آنا ہوا ہے تیری آواز ہو اس دل میں کہ خاموشی ہو سلسلہ جو بھی ترے ساتھ ہے مانا ہوا ہے ہجر اور وصل ترے آنے سے پہلے بھی تو تھے تیرا آنا تو فقط ایک بہانہ ہوا ہے تو بھی چلتا تو وہاں تک نہیں جاتا شاید تیری آنکھوں میں جہاں تک مرا جانا ہوا ہے یہ سنا سکتے ہیں تاریخ سفر کی ساری ان درختوں کو یہاں آئے زمانہ ہوا ہے
English rendering
Dasht o darya se bhi kuchh milna milana hua hai Jaise jaise mera aaina purana hua hai Dil tak aane ka hamein izn kahan tha pehle Aap aaye hain to kuchh der ko aana hua hai Teri aawaz ho is dil mein ke khamoshi ho Silsila jo bhi tere saath hai mana hua hai Hijr aur wasl tere aane se pehle bhi to the Tera aana to faqat ek bahana hua hai Tu bhi chalta to wahan tak nahi jata shayad Teri aankhon mein jahan tak mera jaana hua hai Yeh suna sakte hain tareekh e safar ki sari In darakhton ko yahan aaye zamana hua hai