دن ڈھل چکا ہے اور وہی نقشہ ہے دھوپ کا
دن ڈھل چکا ہے اور وہی نقشہ ہے دھوپ کا یہ شغل خودنمائی بھی اچھا ہے دھوپ کا پردے پہ آنکھ کے جو ستارہ تھا بجھ گیا کردار اس کہانی میں کیا کیا ہے دھوپ کا دو ایک بول ڈوبتے سورج کی ضو پہ بھی یہ آخری ورق ابھی سادہ ہے دھوپ کا اک لہر جاگ اٹھتی ہے اس دل میں صبح دم جس پر سفینہ تیرتا رہتا ہے دھوپ کا تصویر دن کی چھوڑ بھی سکتے ہیں ناتمام پیمانہ ہم سے کھو بھی تو سکتا ہے دھوپ کا یہ آنکھ دم بدم کسی لو کے اثر میں ہے اس آئنے پہ بھی ہمیں دھوکہ ہے دھوپ کا کچھ دوڑ دھوپ اور بھی دل کی زمین پر اس رخ پہ موجزن ابھی دریا ہے دھوپ کا
English rendering
Din dhal chuka hai aur wahi naqsha hai dhoop ka Yeh shughl-e-khud-numai bhi achha hai dhoop ka Parde pe aankh ke jo sitara tha bujh gaya Kirdaar is kahani mein kya kya hai dhoop ka Do ek bol doobte suraj ki zau pe bhi Yeh aakhiri waraq abhi saada hai dhoop ka Ek lahar jaag uthti hai is dil mein subh-e-dam Jis par safeena tairta rahta hai dhoop ka Tasveer din ki chhod bhi sakte hain natamam Paimana hum se kho bhi to sakta hai dhoop ka Yeh aankh dam-ba-dam kisi lau ke asar mein hai Is aaine pe bhi humein dhoka hai dhoop ka Kuchh daud dhoop aur bhi dil ki zameen par Is rukh pe mauj-zan abhi darya hai dhoop ka