ہجر و ہجرت کے ہوئے وعدہ و وصلت کے ہوئے
ہجر و ہجرت کے ہوئے وعدہ و وصلت کے ہوئے شکر ہے ہم بھی کسی شور و شکایت کے ہوئے اس سے آگے بھی تو تصویر کو وسعت دی جائے یہ تو سب نقش مری جان ضرورت کے ہوئے ہم سے کم شغل بس اب کھیل سے باہر ہو جائیں جو نہ وحدت کے ہوئے اور نہ کثرت کے ہوئے اپنے احوال ہی ایسے تھے نہ آثار ایسے کسی حالت کا تو ہونا تھا سو حیرت کے ہوئے اب سلامت نہیں ملتے مجھے تاریخ کے لوگ اتنے ٹکڑے مرے ہاتھوں سے روایت کے ہوئے اتنے کم وقتوں میں کم دشتوں میں کم وصفوں میں ہم پہ انعام جو ہو سکتے تھے وحشت کے ہوئے
English rendering
Hijr o hijrat ke hue wada o waslat ke hue Shukr hai hum bhi kisi shor o shikayat ke hue Is se aage bhi to tasveer ko wusat di jaye Yeh to sab naqsh meri jaan zaroorat ke hue Hum se kam shughl bas ab khel se bahar ho jaen Jo na wahdat ke hue aur na kasrat ke hue Apne ahwal hi aise the na asaar aise Kisi haalat ka to hona tha so hairat ke hue Ab salamat nahin milte mujhe tareekh ke log Itne tukde mere haathon se riwayat ke hue Itne kam waqton mein kam dashton mein kam wasfon mein Hum pe in'aam jo ho sakte the wahshat ke hue