نقش کرتا رم و رفتار عناں گیر کو میں
نقش کرتا رم و رفتار عناں گیر کو میں کیسا چھنکاتا ہوا چلتا ہوں زنجیر کو میں غیب و غفلت کا ادھر جشن منا لوں تو چلوں ابھی تاخیر سمجھتا نہیں تاخیر کو میں خامشی میری کچھ ایسی ہدف آگاہ نہیں بات بے بات چلا دیتا ہوں اس تیر کو میں ساتواں دن مگر اچھا نہیں گزرا میرا چھ دن الٹاتا رہا پردۂ تعمیر کو میں موج خوں مجھ سے بس اب شام کی دوری پر ہے کتنے دن اور بچا سکتا ہوں شمشیر کو میں درمیاں میرا علاقہ ہے بتاؤں نہ بتاؤں ایک تصویر کا دکھ دوسری تصویر کو میں پھر وہ سطر آتی ہے جب اصل لکھی جاتی ہے مجھ کو تحریر مٹا آتی ہے تحریر کو میں کہاں لے جانے کو تھی پاؤں کی زنجیر مجھے کہاں لے آیا مگر پاؤں کی زنجیر کو میں نظم ہو بیٹھا ہوں آہنگ دروں کے ہاتھوں نظم کرتا ہوا اک نالۂ شبگیر کو میں
English rendering
Naqsh karta ram-o-raftaar inaangeer ko main Kaisa chhankata hua chalta hoon zanjeer ko main Ghaib-o-ghaflat ka idhar jashn mana loon toh chaloon Abhi taakheer samajhta nahin taakheer ko main Khamoshi meri kuch aisi hadaf-aagah nahin Baat be baat chala deta hoon uss teer ko main Saatwaan din magar achha nahin guzra mera Chhe din ultata raha parda-e-ta'ameer ko main Mauj-e-khoon mujh se bas ab shaam ki doori par hai Kitne din aur bacha sakta hoon shamsheer ko main Darmyaan mera ilaqa hai bataun na bataun Ek tasweer ka dukh doosri tasweer ko main Phir woh satar aati hai jab asal likhi jaati hai Mujh ko tehreer mita aati hai tehreer ko main Kahan le jaane ko thi paaon ki zanjeer mujhe Kahan le aaya magar paaon ki zanjeer ko main Nazm ho baitha hoon aahang-e-daroon ke haathon Nazm karta hua ek nala-e-shabgeer ko main