تم مرے اندر تھے اور بنتا رہا باہر سے میں
تم مرے اندر تھے اور بنتا رہا باہر سے میں باز آیا زندگی اور موت کے چکر سے میں وقت نامی غم مرے رستے کا پتھر تھا کبھی اب یہ پتھر بھاگتا ہے مجھ سے اور پتھر سے میں پھر مجھے رک رک کے کہنا پڑ رہا ہے ماجرا پھر نمٹ کر آ رہا ہوں خاک و خاکستر سے میں کھو بھی سکتا ہے توازن ڈھ بھی سکتا ہے وجود وقت ہوں باہر سے میں نا وقت ہوں اندر سے میں اب تماشہ طے سمجھیے ہر گلی کے موڑ پر شام تک کے خواب لے کر چل پڑا ہوں گھر سے میں باہر آیا ہوں یہ ہجرت عام ہجرت تو نہیں رات دن اپنے اٹھا لایا ہوں سب اندر سے میں خاک میں دھنستے ہوئے اور خواب میں پھنستے ہوے آسماں کو ان دنوں روکے ہوے ہوں سر سے میں سارے دروازے مرے ہیں ساری دیواریں مری ایک منظر کھولتا ہوں دوسرے منظر سے میں
English rendering
Tum mere andar the aur banta raha bahar se main Baaz aaya zindagi aur maut ke chakkar se main Waqt nami gham mere raste ka patthar tha kabhi Ab yeh patthar bhaagta hai mujh se aur patthar se main Phir mujhe ruk ruk ke kehna paR raha hai majra Phir nimaT kar aa raha hoon khaak o khaakastar se main Kho bhi sakta hai tawazun Dhe bhi sakta hai wajood Waqt hoon bahar se main na waqt hoon andar se main Ab tamasha tai samajhiye har gali ke moR par Shaam tak ke khwaab le kar chal paRa hoon ghar se main Bahar aaya hoon yeh hijrat aam hijrat to nahi Raat din apne uThaa laya hoon sab andar se main Khaak mein dhansste hue aur khwaab mein phanste hue Aasmaan ko in dinon roke hue hoon sar se main Sare darwaze mere hain sari deewarein meri Ek manzar kholta hoon doosre manzar se main