جس دل ربا سوں دل کوں مرے اتحاد ہے
جس دل ربا سوں دل کوں مرے اتحاد ہے دیدار اس کا میری انکھاں کی مراد ہے رکھتا ہے بر میں دلبر رنگیں خیال کوں مانند آرسی کے جو صاف اعتقاد ہے شاید کہ دام عشق میں تازہ ہوا ہے بند وعدے پہ گل رخاں کے جسے اعتماد ہے باقی رہے گا جور و ستم روز حشر لگ تجھ زلف کی جفا میں نپٹ امتداد ہے مقصود دل ہے اس کا خیال اے ولیؔ مجھے جیوں مجھ زباں پہ نام محمد مراد ہے
English rendering
Jis dilruba sooñ dil kooñ mere ittehad hai Deedar us ka meri ankhañ ki murad hai Rakhta hai bar mein dilbar-e-rangeen khayaal kooñ Manind-e-aarsi ke jo saaf e'teqaad hai Shaayad ke daam ishq mein taza hua hai band Waade pe gul-rukhañ ke jise e'temaad hai Baaki rahega jabr-o-sitam roz-e-hashr lag Tujh zulf ki jafa mein nipat imtedaad hai Maqsood-e-dil hai us ka khayaal aye Wali mujhe Jeeyoñ mujhe zabaan pe naam-e-Muhammad murad hai