اشک غم آنکھ سے باہر بھی نہیں آنے کا
اشک غم آنکھ سے باہر بھی نہیں آنے کا ابر چھٹ جائیں وہ منظر بھی نہیں آنے کا اب کے آغاز سفر سوچ سمجھ کے کرنا دشت ملنے کا نہیں گھر بھی نہیں آنے کا ہائے کیا ہم نے تڑپنے کا صلہ پایا ہے ایسا آرام جو آ کر بھی نہیں آنے کا عہد غالبؔ سے زیادہ ہے مرے عہد کا کرب اب تو کوزے میں سمندر بھی نہیں آنے کا سبزہ دیوار پہ اگ آیا ظفرؔ خوش ہو لو آگے آنکھوں میں یہ منظر بھی نہیں آنے کا
English rendering
Ashk-e-gham aankh se bahar bhi nahin aane ka Abr chhat jaayen woh manzar bhi nahin aane ka Ab ke aaghaz-e-safar soch samajh ke karna Dasht milne ka nahin ghar bhi nahin aane ka Haaye kya hum ne tadapne ka sila paya hai Aisa aaram jo aa kar bhi nahin aane ka Ahd-e-Ghalib se zyada hai mere ahd ka karb Ab to kuze mein samandar bhi nahin aane ka Sabza deewar pe ug aaya Zafar khush ho lo Aage aankhon mein yeh manzar bhi nahin aane ka