مٹی! تجھ کو نذر کئے ہیں ہم نے اپنے سارے خواب
مٹی! تجھ کو نذر کئے ہیں ہم نے اپنے سارے خواب اپنے ہاتھوں دفنائے ہیں کیسے پیارے پیارے خواب کیسی کیسی چین کی پریاں پل میں ہو جاتی ہیں راکھ پلکوں اوپر رکھ جاتے ہیں ہر شب کچھ انگارے، خواب پتھر کی بے رحم زمیں پر ہاتھ سے گر کر ٹوٹ گیا کانچ کے برتن ہی تو ٹھہرے آخرکار ہمارے خواب اُن سے مل کر کچھ تو ہلکا ہو جاتا ہے جی کا بوجھ باتیں کرنے آ جاتے ہیں اکثر سانجھ سکارے خواب آنکھ کے دروازے تک آئے، پُرسہ دے کر لوٹ گئے اس کے سوا اور کرتے بھی کیا، بے بس اور بے چارے خواب دل کا تٹ، آنکھوں کا پانی، زخم کا سبزہ، درد کی دھوپ ڈیرہ ڈالتے اور کہاں پر آخر یہ بنجارے خواب
English rendering
Mitti! Tujh ko nazar kiye hain hum ne apne saare khwab Apne hathon dafnaaye hain kaise pyare pyare khwab Kaisi kaisi chain ki pariyan pal mein ho jaati hain raakh Palkon upar rakh jaate hain har shab kuch angaare, khwab Patthar ki be-rahm zameen par haath se gir kar toot gaya Kaanche ke bartan hi to thehre aakhirkar hamare khwab Un se mil kar kuch to halka ho jata hai ji ka bojh Batein karne aa jate hain aksar saanjh sikaare khwab Aankh ke darwaze tak aaye, pursa de kar laut gaye Is ke siwa aur karte bhi kya, be-bas aur be-chaare khwab Dil ka tatt, aankhon ka paani, zakhm ka sabza, dard ki dhoop Dera dalte aur kahan par aakhir yeh banjare khwab