دیکھیں قریب سے بھی تو اچھا دکھائی دے
دیکھیں قریب سے بھی تو اچھا دکھائی دے اک آدمی تو شہر میں ایسا دکھائی دے اب بھیک مانگنے کے طریقے بدل گئے لازم نہیں کہ ہاتھ میں کاسہ دکھائی دے نیزے پہ رکھ کے اور مرا سر بلند کر دنیا کو اک چراغ تو جلتا دکھائی دے دل میں ترے خیال کی بنتی ہے اک دھنک سورج سا آئنے سے گزرتا دکھائی دے چل زندگی کی جوت جگائے عجب نہیں لاشوں کے درمیاں کوئی رستہ دکھائی دے کیا کم ہے کہ وجود کے سناٹے میں ظفرؔ اک درد کی صدا ہے کہ زندہ دکھائی دے
English rendering
Dekhein qareeb se bhi to achha dikhayi de Ek aadmi to shahar mein aisa dikhayi de Ab bheek maangne ke tareeqe badal gaye Laazim nahin ke haath mein kasa dikhayi de Neze pe rakh ke aur mera sar buland kar Duniya ko ek charagh to jalta dikhayi de Dil mein tere khayal ki banti hai ek dhanak Suraj sa aaine se guzarta dikhayi de Chal zindagi ki jot jagaye ajab nahin Lashon ke darmiyan koi rasta dikhayi de Kya kam hai ke wajood ke sannate mein Zafar Ek dard ki sada hai ke zinda dikhayi de