دن کو بھی اتنا اندھیرا ہے مرے کمرے میں
دن کو بھی اتنا اندھیرا ہے مرے کمرے میں سایہ آتے ہوئے ڈرتا ہے مرے کمرے میں غم تھکا ہارا مسافر ہے چلا جائے گا کچھ دنوں کے لیے ٹھہرا ہے مرے کمرے میں صبح تک دیکھنا افسانہ بنا ڈالے گا تجھ کو اک شخص نے دیکھا ہے مرے کمرے میں در بہ در دن کو بھٹکتا ہے تصور میرا ہاں مگر رات کو رہتا ہے مرے کمرے میں چور بیٹھا ہے کہاں سوچ رہا ہوں میں ظفرؔ کیا کوئی اور بھی کمرہ ہے مرے کمرے میں
English rendering
Din ko bhi itna andhera hai mere kamre mein Saya aate hue darta hai mere kamre mein Gham thaka hara musafir hai chala jayega Kuch dinon ke liye thehra hai mere kamre mein Subah tak dekhna afsana bana dalega Tujh ko ek shakhs ne dekha hai mere kamre mein Dar ba dar din ko bhatakta hai tasavvur mera Haan magar raat ko rehta hai mere kamre mein Chor baitha hai kahan soch raha hun main Zafar Kya koi aur bhi kamra hai mere kamre mein