انوکھی وضع ہے سارے زمانے سے نرالے ہیں
انوکھی وضع ہے سارے زمانے سے نرالے ہیں یہ عاشق کون سی بستی کے یارب رہنے والے ہیں علاج درد میں بھی درد کی لذت پہ مرتا ہوں جو تھے چھالوں میں کانٹے نوک سوزن سے نکالے ہیں پھلا پھولا رہے یارب چمن میری امیدوں کا جگر کا خون دے دے کر یہ بوٹے میں نے پالے ہیں رلاتی ہے مجھے راتوں کو خاموشی ستاروں کی نرالا عشق ہے میرا نرالے میرے نالے ہیں نہ پوچھو مجھ سے لذت خانماں برباد رہنے کی نشیمن سیکڑوں میں نے بنا کر پھونک ڈالے ہیں نہیں بیگانگی اچھی رفیق راہ منزل سے ٹھہر جا اے شرر ہم بھی تو آخر مٹنے والے ہیں امید حور نے سب کچھ سکھا رکھا ہے واعظ کو یہ حضرت دیکھنے میں سیدھے سادھے بھولے بھالے ہیں مرے اشعار اے اقبالؔ کیوں پیارے نہ ہوں مجھ کو مرے ٹوٹے ہوئے دل کے یہ دردانگیز نالے ہیں
English rendering
Anokhī waẓ‘ hai sāre zamāne se nirāle haiñ Yeh ‘āshiq kaun sī bastī ke yā Rabb rahne wāle haiñ ‘Ilāj-e-dard meñ bhī dard kī lazzat pe martā hūñ Jo thhe chhāloñ meñ kāñṭe nūk-e-sozan se nikāle haiñ Phalā phūlā rahe yā Rabb chaman merī ummīdoñ kā Jigar kā k͟hūn de de kar yeh būṭe maiñ ne pāle haiñ Rulātī hai mujhe rātoñ ko k͟hāmoshī sitāroñ kī Nirālā ‘ishq hai merā nirāle mere nāle haiñ Na pūchho mujh se lazzat-e-k͟hānumāñ barbād rahne kī Nashīman saikṛoñ maiñ ne banā kar phūñk ḍāle haiñ Nahīñ begānagī achchhī rafīq-e-rāh-e-manzil se Ṭhahar jā ai sharar ham bhī to aakhir miṭne wāle haiñ Ummīd-e-ḥoor ne sab kuchh sikhā rakkhā hai wā‘iẓ ko Yeh ḥaẓrat dekhne meñ sīdhe-sādhe bhole bhāle haiñ Mere ash‘ār ai Iqbāl kyūñ pyāre na hoñ mujh ko Mere ṭūṭe hue dil ke yeh dard-angez nāle haiñ