کیا زمانے سے نرالا ہے مسولینی کا جُرم!
کیا زمانے سے نرالا ہے مسولینی کا جُرم! بے محل بِگڑا ہے معصومانِ یورپ کا مزاج مَیں پھٹکتا ہُوں تو چھَلنی کو بُرا لگتا ہے کیوں ہیں سبھی تہذیب کے اوزار! تُو چھَلنی، مَیں چھاج میرے سودائے مُلوکیّت کو ٹھُکراتے ہو تم تم نے کیا توڑے نہیں کمزور قوموں کے زُجاج؟ یہ عجائب شعبدے کس کی مُلوکیّت کے ہیں راجدھانی ہے، مگر باقی نہ راجا ہے نہ راج آلِ سِیزر چوبِ نَے کی آبیاری میں رہے اور تم دُنیا کے بنجر بھی نہ چھوڑو بے خراج! تم نے لُوٹے بے نوا صحرا نشینوں کے خیام تم نے لُوٹی کِشتِ دہقاں، تم نے لُوٹے تخت و تاج پردۂ تہذیب میں غارت گری، آدم کُشی کل رَوا رکھّی تھی تم نے، مَیں رَوا رکھتا ہوں آج!
English rendering
Kya zamane se nirala hai Mussolini ka jurm! Be-mahal bigda hai masooman-e-Europe ka mizaaj Main phatakta hooN to chhalni ko bura lagta hai kyoN Hain sabhi tehzeeb ke auzar! Tu chhalni, main chhaaj Mere sauda-e-mulookiyat ko thukrate ho tum Tum ne kya tode nahi kamzor qaumoN ke zujaaj? Yeh aja'ib shobde kis ki mulookiyat ke hain Rajdhani hai, magar baaqi na raja hai na raaj Aal-e-Caesar chob-e-nay ki aabyaari mein rahe Aur tum duniya ke banjar bhi na chhodo be-khiraaj! Tum ne loote be-nawa sehra nasheenoN ke khiyaam Tum ne looti kisht-e-dehqaN, tum ne loote takht-o-taaj Parda tehzeeb mein gharat-gari, Adam kushi Kal rawa rakkhi thi tum ne, main rawa rakhta hooN aaj!