ہو تیرے بیاباں کی ہوا تجھ کو گوارا
ہو تیرے بیاباں کی ہوا تجھ کو گوارا اس دشت سے بہتر ہے نہ دِلّی نہ بخارا جس سمت میں چاہے صفَتِ سیلِ رواں چل وادی یہ ہماری ہے، وہ صحرا بھی ہمارا غیرت ہے بڑی چیز جہانِ تگ و دَو میں پہناتی ہے درویش کو تاجِ سرِ دارا حاصل کسی کامل سے یہ پوشیدہ ہُنَر کر کہتے ہیں کہ شیشے کو بنا سکتے ہیں خارا افراد کے ہاتھوں میں ہے اقوام کی تقدیر ہر فرد ہے ملّت کے مقدّر کا ستارا محروم رہا دولتِ دریا سے وہ غوّاص کرتا نہیں جو صُحبتِ ساحل سے کنارا دِیں ہاتھ سے دے کر اگر آزاد ہو ملّت ہے ایسی تجارت میں مسلماں کا خسارا دنیا کو ہے پھر معرکۂ رُوح و بدن پیش تہذیب نے پھر اپنے درِندوں کو اُبھارا اللہ کو پامردیِ مومن پہ بھروسا اِبلیس کو یورپ کی مشینوں کا سہارا تقدیرِ اُمَم کیا ہے، کوئی کہہ نہیں سکتا مومن کی فراست ہو تو کافی ہے اشارا اخلاصِ عمل مانگ نیا گانِ کُہن سے ’شاہاں چہ عجب گر بنوازند گدا را!‘
English rendering
Ho tere biyabaan ki hawa tujh ko gawara Iss dasht se behtar hai na Dilli na Bukhara Jiss simt mein chaahe sifat-e-sail-e-rawaN chal Waadi yeh hamari hai, woh sehra bhi hamara Ghairat hai badi cheez jahan-e-tagh-o-dau mein Pehnati hai darvesh ko taj-e-sar-e-Dara Hasil kisi kamil se yeh poshida hunar kar Kehte hain ke sheeshe ko bana sakte hain khara Afrad ke haathon mein hai aqwaam ki taqdeer Har fard hai millat ke muqaddar ka sitara Mehroom raha daulat-e-dariya se woh ghawwas Karta nahi jo sohbat-e-sahil se kinara Deen haath se de kar agar azaad ho millat Hai aisi tijarat mein musalmaN ka khasara Duniya ko hai phir ma'arka-e-rooh-o-badan pesh Tehzeeb ne phir apne darindoN ko ubhara Allah ko paamardee-e-momin pe bharosa Iblees ko Europe ki mashinoN ka sahara Taqdeer-e-umam kya hai, koi keh nahi sakta Momin ki firasat ho to kaafi hai ishara Ikhlas-e-amal maang naya gaan-e-kuhan se 'ShahaaN che ajab gar banawazand gada ra!'