فلسفۂ غم
گو سراپا کيف عشرت ہے شراب زندگي اشک بھي رکھتا ہے دامن ميں سحاب زندگي موج غم پر رقص کرتا ہے حباب زندگي ہے 'الم' کا سورہ بھي جزو کتاب زندگي ايک بھي پتي اگر کم ہو تو وہ گل ہي نہيں جو خزاں ناديدہ ہو بلبل، وہ بلبل ہي نہيں آرزو کے خون سے رنگيں ہے دل کي داستاں نغمہ انسانيت کامل نہيں غير از فغاں ديدہ بينا ميں داغ غم چراغ سينہ ہے روح کو سامان زينت آہ کا آئينہ ہے حادثات غم سے ہے انساں کي فطرت کو کمال غازہ ہے آئينہء دل کے ليے گرد ملال غم جواني کو جگا ديتا ہے لطف خواب سے ساز يہ بيدار ہوتا ہے اسي مضراب سے طائر دل کے ليے غم شہپر پرواز ہے راز ہے انساں کا دل غم انکشاف راز ہے غم نہيں غم، روح کا اک نغمہء خاموش ہے جو سرود بربط ہستي سے ہم آغوش ہے شام جس کي آشنائے نالہء 'يا رب' نہيں جلوہ پيرا جس کي شب ميں اشک کے کوکب نہيں جس کا جام دل شکست غم سے ہے ناآشنا جو سدا مست شراب عيش و عشرت ہي رہا ہاتھ جس گلچيں کا ہے محفوظ نوک خار سے عشق جس کا بے خبر ہے ہجر کے آزار سے کلفت غم گرچہ اس کے روز و شب سے دور ہے زندگي کا راز اس کي آنکھ سے مستور ہے اے کہ نظم دہر کا ادراک ہے حاصل تجھے کيوں نہ آساں ہو غم و اندوہ کي منزل تجھے ہے ابد کے نسخہ ديرينہ کي تمہيد عشق عقل انساني ہے فاني، زندہء جاويد عشق عشق کے خورشيد سے شام اجل شرمندہ ہے عشق سوز زندگي ہے ، تا ابد پائندہ ہے رخصت محبوب کا مقصد فنا ہوتا اگر جوش الفت بھي دل عاشق سے کر جاتا سفر عشق کچھ محبوب کے مرنے سے مر جاتا نہيں روح ميں غم بن کے رہتا ہے ، مگر جاتا نہيں ہے بقائے عشق سے پيدا بقا محبوب کي زندگاني ہے عدم ناآشنا محبوب کي آتي ہے ندي جبين کوہ سے گاتي ہوئي آسماں کے طائروں کو نغمہ سکھلاتي ہوئي آئنہ روشن ہے اس کا صورت رخسار حور گر کے وادي کي چٹانوں پر يہ ہو جاتا ہے چور نہر جو تھي ، اس کے گوہر پيارے پيارے بن گئے يعني اس افتاد سے پاني کے تارے بن گئے جوئے سيماب رواں پھٹ کر پريشاں ہو گئي مضطرب بوندوں کي اک دنيا نماياں ہو گئي ہجر، ان قطروں کو ليکن وصل کي تعليم ہے دو قدم پر پھر وہي جو مثل تار سيم ہے ايک اصليت ميں ہے نہر روان زندگي گر کے رفعت سے ہجوم نوع انساں بن گئي پستي عالم ميں ملنے کو جدا ہوتے ہيں ہم عارضي فرقت کو دائم جان کر روتے ہيں ہم مرنے والے مرتے ہيں ليکن فنا ہوتے نہيں يہ حقيقت ميں کبھي ہم سے جدا ہوتے نہيں عقل جس دم دہر کي آفات ميں محصور ہو يا جواني کي اندھيري رات ميں مستور ہو دامن دل بن گيا ہو رزم گاہ خير و شر راہ کي ظلمت سے ہو مشکل سوئے منزل سفر خضر ہمت ہو گيا ہو آرزو سے گوشہ گير فکر جب عاجز ہو اور خاموش آواز ضمير وادي ہستي ميں کوئي ہم سفر تک بھي نہ ہو جادہ دکھلانے کو جگنو کا شرر تک بھي نہ ہو مرنے والوں کي جبيں روشن ہے اس ظلمات ميں جس طرح تارے چمکتے ہيں اندھيري رات ميں
English rendering
Go sarapa kaif-e-ishrat hai sharab-e-zindagi Ashk bhi rakhta hai daaman mein sahaaab-e-zindagi Mauj-e-gham par raqs karta hai habab-e-zindagi Hai 'Alif-Laam-Meem' ka surah bhi juzv-e-kitab-e-zindagi Ek bhi patti agar kam ho toh woh gul hi nahin Jo khizaan naadeeda ho bulbul, woh bulbul hi nahin Aarzoo ke khoon se rangeen hai dil ki daastaan Naghma-e-insaniyat kaamil nahin ghair az faghan Deeda-e-beena mein daagh-e-gham chiragh-e-seena hai Rooh ko saamaan-e-zeenat aah ka aaiina hai Haadsaat-e-gham se hai insaan ki fitrat ko kamaal Ghaaza hai aaiina-e-dil ke liye gard-e-malaal Gham jawaani ko jaga deta hai lutf-e-khwab se Saaz yeh bedaar hota hai isi mizraab se Taa'ir-e-dil ke liye gham shaahpar-e-parwaaz hai Raaz hai insaan ka dil gham inkishaaf-e-raaz hai Gham nahin gham, rooh ka ek naghma-e-khaamosh hai Jo surood-e-barbat-e-hasti se hum aaghosh hai Shaam jis ki aashna-e-nala-e-'Ya Rab' nahin Jalwa-paira jis ki shab mein ashk ke kaukab nahin Jis ka jaam-e-dil shikast-e-gham se hai na-aashna Jo sada mast-e-sharab-e-aish-o-ishrat hi raha Haath jis gul-cheen ka hai mehfooz nok-e-khaar se Ishq jis ka be-khabar hai hijr ke aazaar se Kulfat-e-gham garcha us ke roz-o-shab se door hai Zindagi ka raaz us ki aankh se mastoor hai Ay ke nazm-e-dehr ka idraak hai haasil tujhe Kyun na aasaan ho gham-o-andooh ki manzil tujhe Hai abad ke nuskha-e-deereena ki tamheed-e-ishq Aql-e-insaani hai faani, zinda-e-jaaveed ishq Ishq ke khursheed se shaam-e-ajal sharminda hai Ishq soz-e-zindagi hai, ta abad paayenda hai Rukhsat-e-mehboob ka maqsad fana hota agar Josh-e-ulfat bhi dil-e-aashiq se kar jaata safar Ishq kuch mehboob ke marne se mar jaata nahin Rooh mein gham ban ke rehta hai, magar jaata nahin Hai baqaa-e-ishq se paida baqaa-e-mehboob ki Zindagaani hai adam na-aashna mehboob ki Aati hai nadi jabeen-e-koh se gaati hui Aasmaan ke taa'iron ko naghma sikhlaati hui Aaiina roshan hai us ka surat-e-rukhsaar-e-hoor Gir ke waadi ki chaTaanon par yeh ho jaata hai choor Nehr jo thi, us ke gauhar pyaare pyaare ban gaye Ya'ni is aftaad se paani ke taare ban gaye Joo-e-seemaab rawaan phaT kar pareshaan ho gayi Muztarib boondon ki ek dunya numaya ho gayi Hijr, in qatron ko lekin wasl ki ta'leem hai Do qadam par phir wohi joo misl-e-taar-e-seemaab hai Ek asliyat mein hai nehr-e-rawan-e-zindagi Gir ke rif'at se hujoom-e-nau'-e-insaan ban gayi Pasti-e-aalam mein milne ko juda hote hain hum Aarzi furqat ko daaim jaan kar rote hain hum Marnay wale marte hain lekin fana hote nahin Yih haqeeqat mein kabhi hum se juda hote nahin Aql jis dam dehr ki aafaat mein mahsoor ho Ya jawaani ki andheri raat mein mastoor ho Daaman-e-dil ban gaya ho razm-gah-e-khair-o-shar Raah ki zulmat se ho mushkil soo-e-manzil safar Khizr-e-himmat ho gaya ho aarzoo se gosha-geer Fikr jab aajiz ho aur khaamosh awaaz-e-zameer Waadi-e-hasti mein koi humsafar tak bhi na ho Jaada dikhlane ko jugnu ka sharar tak bhi na ho Marnay walon ki jabeen roshan hai is zulmaat mein Jis tarah taare chamakte hain andheri raat mein