ابلیس کی مجلس شوریٰ
ابلیس یہ عناصر کا پرانا کھیل یہ دنیائے دوں ساکنان عرش اعظم کی تمناؤں کا خوں اس کی بربادی پہ آج آمادہ ہے وہ کارساز جس نے اس کا نام رکھا تھا جہان کاف و نوں میں نے دکھلایا فرنگی کو ملوکیت کا خواب میں نے توڑا مسجد و دیر و کلیسا کا فسوں میں نے ناداروں کو سکھلایا سبق تقدیر کا میں نے منعم کو دیا سرمایہ داری کا جنوں کون کر سکتا ہے اس کی آتش سوزاں کو سرد جس کے ہنگاموں میں ہو ابلیس کا سوز دروں جس کی شاخیں ہوں ہماری آبیاری سے بلند کون کر سکتا ہے اس نخل کہن کو سرنگوں پہلامشیر اس میں کیا شک ہے کہ محکم ہے یہ ابلیسی نظام پختہ تر اس سے ہوئے خوئے غلامی میں عوام ہے ازل سے ان غریبوں کے مقدر میں سجود ان کی فطرت کا تقاضا ہے نماز بے قیام آرزو اول تو پیدا ہو نہیں سکتی کہیں ہو کہیں پیدا تو مر جاتی ہے یا رہتی ہے خام یہ ہماری سعئ پیہم کی کرامت ہے کہ آج صوفی و ملا ملوکیت کے بندے ہیں تمام طبع مشرق کے لیے موزوں یہی افیون تھی ورنہ قوالی سے کچھ کم تر نہیں علم کلام ہے طواف و حج کا ہنگامہ اگر باقی تو کیا کند ہو کر رہ گئی مومن کی تیغ بے نیام کس کی نو میدی پہ حجت ہے یہ فرمان جدید ہے جہاد اس دور میں مرد مسلماں پر حرام دوسرامشیر خیر ہے سلطانیٔ جمہور کا غوغا کہ شر تو جہاں کے تازہ فتنوں سے نہیں ہے با خبر پہلامشیر ہوں مگر میری جہاں بینی بتاتی ہے مجھے جو ملوکیت کا اک پردہ ہو کیا اس سے خطر ہم نے خود شاہی کو پہنایا ہے جمہوری لباس جب ذرا آدم ہوا ہے خود شناس و خود نگر کاروبار شہر یاری کی حقیقت اور ہے یہ وجود میر و سلطاں پر نہیں ہے منحصر مجلس ملت ہو یا پرویز کا دربار ہو ہے وہ سلطاں غیر کی کھیتی پہ ہو جس کی نظر تو نے کیا دیکھا نہیں مغرب کا جمہوری نظام چہرہ روشن اندروں چنگیز سے تاریک تر تیسرامشیر روح سلطانی رہے باقی تو پھر کیا اضطراب ہے مگر کیا اس یہودی کی شرارت کا جواب وہ کلیم بے تجلی وہ مسیح بے صلیب نیست پیغمبر ولیکن در بغل دارد کتاب کیا بتاؤں کیا ہے کافر کی نگاہ پردہ سوز مشرق و مغرب کی قوموں کے لیے روز حساب اس سے بڑھ کر اور کیا ہوگا طبیعت کا فساد توڑ دی بندوں نے آقاؤں کے خیموں کی طناب چوتھامشیر توڑ اس کا رومتہ الکبریٰ کے ایوانوں میں دیکھ آل سیزر کو دکھایا ہم نے پھر سیزر کا خواب کون بحر روم کی موجوں سے ہے لپٹا ہوا گاہ بالد چوں صنوبر گاہ نالد چوں رباب تیسرامشیر میں تو اس کی عاقبت بینی کا کچھ قائل نہیں جس نے افرنگی سیاست کو کیا یوں بے حجاب پانچواں مشیر ابلیس کو مخاطب کر کے اے ترے سوز نفس سے کار عالم استوار تو نے جب چاہا کیا ہر پردگی کو آشکار آب و گل تیری حرارت سے جہان سوز و ساز ابلہ جنت تری تعلیم سے دانائے کار تجھ سے بڑھ کر فطرت آدم کا وہ محرم نہیں سادہ دل بندوں میں جو مشہور ہے پروردگار کام تھا جن کا فقط تقدیس و تسبیح و طواف تیری غیرت سے ابد تک سر نگوں و شرمسار گرچہ ہیں تیرے مرید افرنگ کے ساحر تمام اب مجھے ان کی فراست پر نہیں ہے اعتبار وہ یہودی فتنہ گر وہ روح مزدک کا بروز ہر قبا ہونے کو ہے اس کے جنوں سے تار تار زاغ دشتی ہو رہا ہے ہمسر شاہین و چرغ کتنی سرعت سے بدلتا ہے مزاج روزگار چھا گئی آشفتہ ہو کر وسعت افلاک پر جس کو نادانی سے ہم سمجھے تھے اک مشت غبار فتنۂ فردا کی ہیبت کا یہ عالم ہے کہ آج کانپتے ہیں کوہسار و مرغزار و جوئبار میرے آقا وہ جہاں زیر و زبر ہونے کو ہے جس جہاں کا ہے فقط تیری سیادت پر مدار
English rendering
IBLEES Yeh anasir ka puraana khel, yeh dunya-e-doon Saakinaan-e-arsh-e-aazam ki tamannaon ka khoon Iss ki barbaadi pe aaj amada hai woh kaarsaaz Jis ne iska naam rakha tha jahan-e-kaaf-o-noon Main ne dikhlaya firangi ko malookiyat ka khwab Main ne toRaa masjid-o-dair-o-kaleesa ka fasoon Main ne nadaaron ko sikhlaaya sabaq taqdeer ka Main ne mun'im ko diya sarmaya-daari ka junoon Kaun kar sakta hai iski aatish-e-sozaan ko sard Jis ke hangaamon mein ho Iblees ka soz-e-daroon Jis ki shaakhein hon humaari aabiyaari se buland Kaun kar sakta hai us nakhhl-e-kuhan ko sarnigoon PEHLA MUSHEER Iss mein kya shak hai ke muhkam hai yeh Ibleesi nizaam Pokhta-tar is se hue khoo-e-ghulaami mein awaam Hai azal se in ghareebon ke muqaddar mein sajood In ki fitrat ka taqaaza hai namaaz-e-be-qiyaam Aarzoo awwal toh paida ho nahin sakti kahin Ho kahin paida toh mar jaati hai ya rehti hai khaam Yeh humaari sa'i-e-paiham ki karaamat hai ke aaj Soofi-o-Mulla malookiyat ke bande hain tamaam Tab'a-e-Mashriq ke liye mauzoon yehi afeem thi Warna qawwali se kuch kam-tar nahin ilm-e-kalaam Hai tawaaf-o-hajj ka hangaama agar baaqi toh kya Kund ho kar reh gayi momin ki tegh-e-be-niyaam Kis ki na-umeedi pe hujjat hai yeh farmaan-e-jadeed Hai jihad is daur mein mard-e-musalmaan par haraam DOOSRA MUSHEER Khair hai sultani-e-jamhoor ka ghogha ke shar Tu jahaan ke taaza fitnon se nahin hai ba-khabar PEHLA MUSHEER Hoon magar meri jahaan-beeni bataati hai mujhe Jo malookiyat ka ik parda ho kya us se khatar Hum ne khud shahi ko pehnaya hai jamhoori libaas Jab zara aadam hua hai khud-shinaas-o-khud-nigar Kaarobaar-e-shehryari ki haqeeqat aur hai Yeh wujood-e-meer-o-sultaan par nahin hai munhasir Majlis-e-millat ho ya Parwez ka darbaar ho Hai woh sultan ghair ki kheti pe ho jis ki nazar Tu ne kya dekha nahin Maghrib ka jamhoori nizaam Chehra roshan andaroon Changez se tareek-tar TEESRA MUSHEER Rooh-e-sultani rahe baaqi toh phir kya izteraab Hai magar kya is Yahoodi ki sharaarat ka jawaab Woh Kaleem-e-be-tajalli, woh Maseeh-e-be-saleeb Neest paighambar waleekin dar baghal daarad kitaab Kya bataaon kya hai kaafir ki nigaah-e-parda-soz Mashriq-o-Maghrib ki qaumon ke liye roz-e-hisaab Is se baRh kar aur kya hoga tabiyat ka fasaad ToR di bandon ne aaqaon ke khemon ki tanaab CHAUTHA MUSHEER ToR is ka Rooma-tul-Kubra ke aiwaanon mein dekh Aal-e-Caesar ko dikhaya hum ne phir Caesar ka khwab Kaun bahr-e-Room ki maujon se hai lapeTa hua Gaah baalad chun sanobar gaah naalad chun rabaab TEESRA MUSHEER Main toh uski aaqibat-beeni ka kuch qaayal nahin Jis ne Afrangi siyasat ko kiya yun be-hijaab PAANCHWAAN MUSHEER (IBLEES KO MUKHATIB KAR KE) Ay tere soz-e-nafas se kaar-e-aalam ustawaar Tu ne jab chaaha kiya har parda-gi ko aashkaar Aab-o-gil teri haraarat se jahan soz-o-saaz Ableh-e-jannat teri taleem se daana-e-kaar Tujh se baRh kar fitrat-e-aadam ka woh mahram nahin Saada-dil bandon mein jo mash-hoor hai Parwardigaar Kaam tha jin ka faqat taqdees-o-tasbeeh-o-tawaaf Teri ghairat se abad tak sar nigoon-o-sharmsaar Garcha hain tere Mureed Afrang ke saahir tamaam Ab mujhe un ki firaasat par nahin hai aitibaar Woh Yahoodi fitna-gar, woh rooh-e-Mazdak ka barooz Har qaba hone ko hai us ke junoon se taar taar Zaagh-e-dashti ho raha hai hamsar-e-shaheen-o-chargh Kitni surat se badalta hai mizaaj-e-rozgaar Chha gayi aashufta ho kar wus'at-e-aflaak par Jis ko nadaani se hum samjhe the ik musht-e-ghubaar Fitna-e-fardaa ki haibat ka yeh aalam hai ke aaj Kaanpte hain kohsaar-o-marghzaar-o-juybaar Mere aaqa woh jahaan zer-o-zabar hone ko hai Jis jahaan ka hai faqat teri siyasat par madaar