کشادہ دست کرم جب وہ بے نیاز کرے
کشادہ دست کرم جب وہ بے نیاز کرے نیاز مند نہ کیوں عاجزی پہ ناز کرے بٹھا کے عرش پہ رکھا ہے تو نے اے واعظ خدا وہ کیا ہے جو بندوں سے احتراز کرے مری نگاہ میں وہ رند ہی نہیں ساقی جو ہوشیاری و مستی میں امتیاز کرے مدام گوش بہ دل رہ یہ ساز ہے ایسا جو ہو شکستہ تو پیدا نوائے راز کرے کوئی یہ پوچھے کہ واعظ کا کیا بگڑتا ہے جو بے عمل پہ بھی رحمت وہ بے نیاز کرے سخن میں سوز الٰہی کہاں سے آتا ہے یہ چیز وہ ہے کہ پتھر کو بھی گداز کرے تمیز لالہ و گل سے ہے نالۂ بلبل جہاں میں وا نہ کوئی چشم امتیاز کرے غرور زہد نے سکھلا دیا ہے واعظ کو کہ بندگان خدا پر زباں دراز کرے ہوا ہو ایسی کہ ہندوستاں سے اے اقبالؔ اڑا کے مجھ کو غبار رہ حجاز کرے
English rendering
Kushada dast-e-karam jab woh be-niyaz kare Niyaz-mand na kyoon aajizi pe naaz kare Bitha ke arsh pe rakha hai tu ne ae waa'iz Khuda woh kya hai jo bandoon se ihtiraz kare Meri nigah mein woh rind hi nahin Saqi Jo ho hoshiyari-o-masti mein imtiyaz kare Mudam gosh ba dil reh ye saaz hai aisa Jo ho shikasta to paida nawa-e-raaz kare Koi ye poochhe ke waa'iz ka kya bigadta hai Jo be-amal pe bhi rehmat woh be-niyaz kare Sukhan mein soz-e-ilahi kahan se aata hai Ye cheez woh hai ke patthar ko bhi gudaz kare Tameez-e-lala-o-gul se hai nala-e-bulbul Jahan mein wa na koi chashm-e-imtiyaz kare Ghuroor-e-zehd ne sikhla diya hai waa'iz ko Ke bandagan-e-Khuda par zubaan daraz kare Hawa ho aisi ke Hindustan se ae Iqbal Uda ke mujh ko ghubar-e-reh-e-Hijaz kare