علامہ اقبال

English rendering

Mata-e-be-baha hai dard-o-soz-e-arzoo-mandi Maqam-e-bandagi de kar na loon shan-e-Khudaawandi Tere aazad bandoon ki na ye dunya na woh dunya Yahan marne ki pabandi wahan jeene ki pabandi Hijab ikseer hai aawara-e-koo-e-mohabbat ko Meri aatish ko bhadkaati hai teri der-paiwandi Guzar auqat kar leta hai ye koh-o-biaban mein Ke shaheen ke liye zillat hai kaar-e-ashiyan-bandi Ye faizan-e-nazar tha ya ke maktab ki karamat thi Sikhaaye kis ne Ismail ko aadab-e-farzandi Ziyarat-gah-e-ahl-e-azm-o-himmat hai lahad meri Ke khak-e-rah ko main ne bataya raaz-e-Alwandi Meri mashatagi ki kya zaroorat husn-e-ma'ani ko Ke fitrat khud ba khud karti hai lale ki hina-bandi