مسلماں کے لہو میں ہے سلیقہ دل نوازی کا
مسلماں کے لہو میں ہے سلیقہ دل نوازی کا مروت حسن عالم گیر ہے مردان غازی کا شکایت ہے مجھے یا رب خداوندان مکتب سے سبق شاہیں بچوں کو دے رہے ہیں خاک بازی کا بہت مدت کے نخچیروں کا انداز نگہ بدلا کہ میں نے فاش کر ڈالا طریقہ شاہبازی کا قلندر جز دو حرف لا الٰہ کچھ بھی نہیں رکھتا فقیہ شہر قاروں ہے لغت ہائے حجازی کا حدیث بادہ و مینا و جام آتی نہیں مجھ کو نہ کر خاراشگافوں سے تقاضا شیشہ سازی کا کہاں سے تو نے اے اقبالؔ سیکھی ہے یہ درویشی کہ چرچا پادشاہوں میں ہے تیری بے نیازی کا
English rendering
Musalman ke lahoo mein hai saleeqa dil-nawazi ka Murawwat husn-e-alam-geer hai mardaan-e-ghazi ka Shikayat hai mujhe ya Rab Khudaawandan-e-maktab se Sabaq shaheen bachchon ko de rahe hain khak-bazi ka Bohat muddat ke nakhcheeron ka andaaz-e-nigah badla Ke main ne faash kar dala tareeqa-e-shahbazi ka Qalandar juz do harf-e-La Ilaha kuch bhi nahin rakhta Faqeeh-e-shehr Qaroone hai lughat-haye Hijazi ka Hadees-e-baada-o-meena-o-jaam aati nahin mujh ko Na kar khara-tarashon se taqaza sheesha-sazi ka Kahan se tu ne ae Iqbal seekhi hai ye darweshi Ke charcha badshahon mein hai teri be-niyazi ka