علامہ اقبال

English rendering

Pareshan ho ke meri khaak akhir dil na ban jaaye Jo mushkil ab hai ya Rab phir wohi mushkil na ban jaaye Na kar dein mujh ko majboor nawa-e-firdaus mein hoorein Mera soz-e-daroon phir garmi-e-mehfil na ban jaaye Kabhi chhooti hui manzil bhi yaad aati hai raahi ko Khatak si hai jo seene mein gham-e-manzil na ban jaaye Banaya ishq ne darya-e-na-paida-karan mujh ko Yeh meri khud-nigahdaari mera saahil na ban jaaye Kahin is aalam-e-be-rang-o-boo mein bhi talab meri Wohi afsana-e-dunbala-e-mehmil na ban jaaye Urooj-e-Adam-e-khaki se anjum sehme jaate hain Ke yeh toota hua taara mah-e-kamil na ban jaaye