زمانہ آیا ہے بے حجابی کا عام دیدار یار ہوگا
زمانہ آیا ہے بے حجابی کا عام دیدار یار ہوگا سکوت تھا پردہ دار جس کا وہ راز اب آشکار ہوگا گزر گیا اب وہ دور ساقی کہ چھپ کے پیتے تھے پینے والے بنے گا سارا جہان مے خانہ ہر کوئی بادہ خوار ہوگا کبھی جو آوارۂ جنوں تھے وہ بستیوں میں آ بسیں گے برہنہ پائی وہی رہے گی مگر نیا خار زار ہوگا سنا دیا گوش منتظر کو حجاز کی خامشی نے آخر جو عہد صحرائیوں سے باندھا گیا تھا پر استوار ہوگا نکل کے صحرا سے جس نے روما کی سلطنت کو الٹ دیا تھا سنا ہے یہ قدسیوں سے میں نے وہ شیر پھر ہوشیار ہوگا کیا مرا تذکرہ جو ساقی نے بادہ خواروں کی انجمن میں تو پیر مے خانہ سن کے کہنے لگا کہ منہ پھٹ ہے خار ہوگا دیار مغرب کے رہنے والو خدا کی بستی دکاں نہیں ہے کھرا ہے جسے تم سمجھ رہے ہو وہ اب زر کم عیار ہوگا تمہاری تہذیب اپنے خنجر سے آپ ہی خودکشی کرے گی جو شاخ نازک پہ آشیانہ بنے گا ناپائیدار ہوگا سفینۂ برگ گل بنا لے گا قافلہ مور ناتواں کا ہزار موجوں کی ہو کشاکش مگر یہ دریا سے پار ہوگا چمن میں لالہ دکھاتا پھرتا ہے داغ اپنا کلی کلی کو یہ جانتا ہے کہ اس دکھاوے سے دل جلوں میں شمار ہوگا جو ایک تھا اے نگاہ تو نے ہزار کر کے ہمیں دکھایا یہی اگر کیفیت ہے تیری تو پھر کسے اعتبار ہوگا کہا جو قمری سے میں نے اک دن یہاں کے آزاد پاگل ہیں تو غنچے کہنے لگے ہمارے چمن کا یہ رازدار ہوگا خدا کے عاشق تو ہیں ہزاروں بنوں میں پھرتے ہیں مارے مارے میں اس کا بندہ بنوں گا جس کو خدا کے بندوں سے پیار ہوگا یہ رسم برہم فنا ہے اے دل گناہ ہے جنبش نظر بھی رہے گی کیا آبرو ہماری جو تو یہاں بے قرار ہوگا میں ظلمت شب میں لے کے نکلوں گا اپنے درماندہ کارواں کو شہہ نشاں ہوگی آہ میری نفس مرا شعلہ بار ہوگا نہیں ہے غیر از نمود کچھ بھی جو مدعا تیری زندگی کا تو اک نفس میں جہاں سے مٹنا تجھے مثال شرار ہوگا نہ پوچھ اقبال کا ٹھکانہ ابھی وہی کیفیت ہے اس کی کہیں سر راہ گزار بیٹھا ستم کش انتظار ہوگا
English rendering
Zamana aaya hai be-hijabi ka aam deedar-e-yaar hoga Sukoot tha parda-dar jis ka woh raaz ab aashkar hoga Guzar gaya ab woh daur-e-saqi ke chhup ke peete the peene wale Banega sara jahan mai-khana har koi baada-khwar hoga Kabhi jo awara-e-junoon the woh bastiyon mein aa basenge Barahna-pai wahi rahegi magar naya khar-zar hoga Suna diya gosh-e-muntazir ko Hijaz ki khamoshi ne aakhir Jo ahd sehraiyon se bandha gaya tha pur istwaar hoga Nikal ke sehra se jis ne Roma ki saltanat ko ult diya tha Suna hai yeh qudsiyon se main ne woh sher phir hoshiyar hoga Kya mera tazkira jo saqi ne baada-khwaro ki anjuman mein To peer-e-mai-khana sun ke kehne laga ke munh-phat hai khwar hoga Diyar-e-Maghrib ke rehne walo Khuda ki basti dukan nahin hai Khara hai jise tum samajh rahe ho woh ab zar-e-kam-ayar hoga Tumhari tehzeeb apne khanjar se aap hi khudkushi karegi Jo shakh-e-nazuk pe aashiyana banega napayedar hoga Safeena barg-e-gul bana lega qaafila-e-moor-e-natwan ka Hazar maujon ki ho kashakash magar yeh darya se paar hoga Chaman mein lala dikhata phirta hai dagh apna kali kali ko Yih janta hai ke is dikhawe se dil-jalon mein shumar hoga Jo ek tha aye nigah tu ne hazar kar ke humen dikhaya Yahi agar kaifiyat hai teri to phir kise aitbaar hoga Kaha jo qamri se main ne ik din yahan ke azaad pagal hain To ghunche kehne lage hamare chaman ka yeh raazdar hoga Khuda ke aashiq to hain hazaron banon mein phirte hain mare mare Main us ka banda banunga jis ko Khuda ke bando se pyar hoga Yih rasm-e-barham fana hai aye dil gunah hai jumbish-e-nazar bhi Rahegi kya aabroo hamari jo tu yahan beqarar hoga Main zulmat-e-shab mein le ke nikalunga apne darmaanda karwan ko Shah-nishaan hogi aah meri nafas mera shola-bar hoga Nahin hai ghair az namood kuchh bhi jo muddua teri zindagi ka To ek nafas mein jahan se mitna tujhe misal-e-sharar hoga Na pooch Iqbal ka thikana abhi wahi kaifiyat hai us ki Kahin sar-e-rah-guzar baitha sitam-kash-e-intezar hoga