ایک آرزو
دنیا کی محفلوں سے اکتا گیا ہوں یا رب کیا لطف انجمن کا جب دل ہی بجھ گیا ہو شورش سے بھاگتا ہوں دل ڈھونڈتا ہے میرا ایسا سکوت جس پر تقریر بھی فدا ہو مرتا ہوں خامشی پر یہ آرزو ہے میری دامن میں کوہ کے اک چھوٹا سا جھونپڑا ہو آزاد فکر سے ہوں عزلت میں دن گزاروں دنیا کے غم کا دل سے کانٹا نکل گیا ہو لذت سرود کی ہو چڑیوں کے چہچہوں میں چشمے کی شورشوں میں باجا سا بج رہا ہو گل کی کلی چٹک کر پیغام دے کسی کا ساغر ذرا سا گویا مجھ کو جہاں نما ہو ہو ہاتھ کا سرہانا سبزے کا ہو بچھونا شرمائے جس سے جلوت خلوت میں وہ ادا ہو مانوس اس قدر ہو صورت سے میری بلبل ننھے سے دل میں اس کے کھٹکا نہ کچھ مرا ہو صف باندھے دونوں جانب بوٹے ہرے ہرے ہوں ندی کا صاف پانی تصویر لے رہا ہو ہو دل فریب ایسا کوہسار کا نظارہ پانی بھی موج بن کر اٹھ اٹھ کے دیکھتا ہو آغوش میں زمیں کی سویا ہوا ہو سبزہ پھر پھر کے جھاڑیوں میں پانی چمک رہا ہو پانی کو چھو رہی ہو جھک جھک کے گل کی ٹہنی جیسے حسین کوئی آئینہ دیکھتا ہو مہندی لگائے سورج جب شام کی دلہن کو سرخی لیے سنہری ہر پھول کی قبا ہو راتوں کو چلنے والے رہ جائیں تھک کے جس دم امید ان کی میرا ٹوٹا ہوا دیا ہو بجلی چمک کے ان کو کٹیا مری دکھا دے جب آسماں پہ ہر سو بادل گھرا ہوا ہو پچھلے پہر کی کوئل وہ صبح کی موذن میں اس کا ہم نوا ہوں وہ میری ہم نوا ہو کانوں پہ ہو نہ میرے دیر و حرم کا احساں روزن ہی جھونپڑی کا مجھ کو سحر نما ہو پھولوں کو آئے جس دم شبنم وضو کرانے رونا مرا وضو ہو نالہ مری دعا ہو اس خامشی میں جائیں اتنے بلند نالے تاروں کے قافلے کو میری صدا درا ہو ہر دردمند دل کو رونا مرا رلا دے بے ہوش جو پڑے ہیں شاید انہیں جگا دے
English rendering
Duniya ki mehfilon se ukta gaya hoon Ya Rab Kya lutf anjuman ka jab dil hi bujh gaya ho Shorish se bhaagta hoon dil dhoondhta hai mera Aisa sukoot jis par taqreer bhi fida ho Marta hoon khamoshi par yeh aarzoo hai meri Daaman mein koh ke ik chhota sa jhonpra ho Azaad fikr se hoon uzlat mein din guzaaroon Duniya ke gham ka dil se kaanta nikal gaya ho Lazzat surood ki ho chidiyon ke chehchahon mein Chashme ki shorishon mein baaja sa baj raha ho Gul ki kali chatak kar paigham de kisi ka Saaghar zara sa goya mujh ko jahan numa ho Ho haath ka sirhana sabze ka ho bichhona Sharmaye jis se jalwat khalwat mein woh ada ho Maanoos is qadr ho soorat se meri bulbul Nanhe se dil mein us ke khatka na kuch mera ho Saf bandhe dono jaanib boote hare hare hon Nadi ka saaf paani tasveer le raha ho Ho dil fareb aisa kohsaar ka nazara Paani bhi mauj ban kar uth uth ke dekhta ho Aaghosh mein zameen ki soya hua ho sabza Phir phir ke jhaadiyon mein paani chamak raha ho Paani ko chhoo rahi ho jhuk jhuk ke gul ki tehni Jaise haseen koi aaina dekhta ho Mehndi lagaye suraj jab shaam ki dulhan ko Surkhi liye sunahri har phool ki qaba ho Raaton ko chalne wale reh jaayen thak ke jis dam Ummeed un ki mera toota hua diya ho Bijli chamak ke un ko kutiya meri dikha de Jab aasmaan pe har soo baadal ghira hua ho Pichhle pehar ki koyal woh subah ki muezzin Main us ka hamnawa hoon woh meri hamnawa ho Kanon pe ho na mere dair o haram ka ehsaan Rozan hi jhonpri ka mujh ko sehar numa ho Phoolon ko aaye jis dam shabnam wuzu karane Rona mera wuzu ho nala meri dua ho Is khamoshi mein jaayen itne buland naale Taaron ke qafile ko meri sada dara ho Har dardmand dil ko rona mera rula de Be-hosh jo pade hain shayad unhein jaga de