جبریل و ابلیس
جبرئیل ہمدم دیرینہ کیسا ہے جہان رنگ و بو ابلیس سوز و ساز و درد و داغ و جستجو و آرزو جبرئیل ہر گھڑی افلاک پر رہتی ہے تیری گفتگو کیا نہیں ممکن کہ تیرا چاک دامن ہو رفو ابلیس آہ اے جبریل تو واقف نہیں اس راز سے کر گیا سرمست مجھ کو ٹوٹ کر میرا سبو اب یہاں میری گزر ممکن نہیں ممکن نہیں کس قدر خاموش ہے یہ عالم بے کاخ و کو جس کی نومیدی سے ہو سوز درون کائنات اس کے حق میں تقنطو اچھا ہے یا لاتقنطوا جبرئیل کھو دیئے انکار سے تو نے مقامات بلند چشم یزداں میں فرشتوں کی رہی کیا آبرو ابلیس ہے مری جرأت سے مشت خاک میں ذوق نمو میرے فتنے جامۂ عقل و خرد کا تار و پو دیکھتا ہے تو فقط ساحل سے رزم خیر و شر کون طوفاں کے طمانچے کھا رہا ہے میں کہ تو خضر بھی بے دست و پا الیاس بھی بے دست و پا میرے طوفاں یم بہ یم دریا بہ دریا جو بہ جو گر کبھی خلوت میسر ہو تو پوچھ اللہ سے قصۂ آدم کو رنگیں کر گیا کس کا لہو میں کھٹکتا ہوں دل یزداں میں کانٹے کی طرح تو فقط اللہ ہو اللہ ہو اللہ ہو
English rendering
Jibreel Hamdam-e-deereena kaisa hai jahan-e-rang o boo Iblees Soz o saaz o dard o daagh o justajoo o aarzoo Jibreel Har ghadi aflak par rehti hai teri guftagoo Kya nahin mumkin ke tera chaak-e-daaman ho rafoo Iblees Aah aye Jibreel tu waqif nahin is raaz se Kar gaya sarmast mujh ko toot kar mera saboo Ab yahan meri guzar mumkin nahin mumkin nahin Kis qadar khamoosh hai yeh aalam-e-be-kaakh o koo Jis ki nau-meedi se ho soz-e-daroon-e-kainaat Us ke haq mein taqanto achha hai ya laa-taqnato Jibreel Kho diye inkaar se tu ne maqamaat-e-buland Chashm-e-Yazdaan mein farishton ki rahi kya aabroo Iblees Hai meri jur'at se musht-e-khaak mein zauq-e-namoo Mere fitne jaama-e-aql o khirad ka taar o poo Dekhta hai tu faqat saahil se razm-e-khair o shar Kaun toofaan ke tamache kha raha hai main ke tu Khizr bhi be-dast o pa Ilyas bhi be-dast o pa Mere toofaan yam ba yam darya ba darya ju ba ju Gar kabhi khalwat mayassar ho toh poochh Allah se Qissa-e-Adam ko rangeen kar gaya kis ka lahoo Main khatakta hoon dil-e-Yazdaan mein kaante ki tarah Tu faqat Allah ho Allah ho Allah ho