خرد نے مجھ کو عطا کی نظر حکیمانہ
خرد نے مجھ کو عطا کی نظر حکیمانہ سکھائی عشق نے مجھ کو حدیث رندانہ نہ بادہ ہے نہ صراحی نہ دور پیمانہ فقط نگاہ سے رنگیں ہے بزم جانانہ مری نوائے پریشاں کو شاعری نہ سمجھ کہ میں ہوں محرم راز درون مے خانہ کلی کو دیکھ کہ ہے تشنۂ نسیم سحر اسی میں ہے مرے دل کا تمام افسانہ کوئی بتائے مجھے یہ غیاب ہے کہ حضور سب آشنا ہیں یہاں ایک میں ہوں بیگانہ فرنگ میں کوئی دن اور بھی ٹھہر جاؤں مرے جنوں کو سنبھالے اگر یہ ویرانہ مقام عقل سے آساں گزر گیا اقبالؔ مقام شوق میں کھویا گیا وہ فرزانہ
English rendering
Khirad ne mujh ko ata ki nazar-e-hakeemana Sikhai ishq ne mujh ko hadees-e-rindana Na baada hai na surahi na daur-e-paimana Faqat nigah se rangeen hai bazm-e-jaanana Meri nawa-e-pareshan ko shayari na samajh Ke main hoon mehram-e-raaz-e-daroon-e-maykhana Kali ko dekh ke hai tishna-e-naseem-e-sehar Isi mein hai mere dil ka tamam afsana Koi bataye mujhe yeh ghayab hai ke huzoor Sab aashna hain yahan ek main hoon begana Farang mein koi din aur bhi thahar jaon Mere junoon ko sambhale agar yeh veerana Maqam-e-aql se aasaan guzar gaya Iqbal Maqam-e-shauq mein khoya gaya woh farzana