خضر راہ
شاعر ساحل دریا پہ میں اک رات تھا محو نظر گوشۂ دل میں چھپائے اک جہان اضطراب شب سکوت افزا ہوا آسودہ دریا نرم سیر تھی نظر حیراں کہ یہ دریا ہے یا تصوير آب جیسے گہوارے میں سو جاتا ہے طفل شیر خوار موج مضطر تھی کہیں گہرائیوں میں مست خواب رات کے افسوں سے طائر آشیانوں میں اسیر انجم کم ضو گرفتار طلسم ماہتاب دیکھتا کیا ہوں کہ وہ پيک جہاں پيما خضر جس کی پیری میں ہے مانند سحر رنگ شباب کہہ رہا ہے مجھ سے اے جويائے اسرار ازل چشم دل وا ہو تو ہے تقدیر عالم بے حجاب دل میں یہ سن کر بپا ہنگامۂ محشر ہوا میں شہید جستجو تھا یوں سخن گستر ہوا اے تری چشم جہاں بیں پر وہ طوفاں آشکار جن کے ہنگامے ابھی دریا میں سوتے ہیں خموش کشتئ مسکين و جان پاک و ديوار يتيم علم موسیٰ بھی ہے ترے سامنے حیرت فروش چھوڑ کر آبادیاں رہتا ہے تو صحرا نورد زندگی تیری ہے بے روز و شب و فردا و دوش زندگی کا راز کیا ہے سلطنت کیا چیز ہے اور یہ سرمایہ و محنت میں ہے کیسا خروش ہو رہا ہے ایشیا کا خرقۂ دیرینہ چاک نوجواں اقوام نو دولت کے ہیں پيرايہ پوش گرچہ اسکندر رہا محروم آب زندگی فطرت اسکندری اب تک ہے گرم ناؤ نوش بیچتا ہے ہاشمی ناموس دين مصطفیٰ خاک و خوں میں مل رہا ہے ترکمان سخت کوش آگ ہے اولاد ابراہیم ہے نمرود ہے کیا کسی کو پھر کسی کا امتحاں مقصود ہے جواب-خضر صحرانوردی کیوں تعجب ہے مری صحرا نوردی پر تجھے یہ تگا پوئے دمادم زندگی کی ہے دلیل اے رہين خانہ تو نے وہ سماں دیکھا نہیں گونجتی ہے جب فضائے دشت میں بانگ رحیل ریت کے ٹیلے پہ وہ آہو کا بے پروا خرام وہ حضر بے برگ و ساماں وہ سفر بے سنگ و ميل وہ نمود اختر سیماب پا ہنگام صبح یا نمایاں بام گردوں سے جبین جبرئيل وہ سکوت شام صحرا میں غروب آفتاب جس سے روشن تر ہوئی چشم جہاں بين خليل اور وہ پانی کے چشمے پر مقام کارواں اہل ایماں جس طرح جنت میں گرد سلسبيل تازہ ویرانے کی سودائے محبت کو تلاش اور آبادی میں تو زنجيري کشت و نخيل پختہ تر ہے گردش پیہم سے جام زندگی ہے یہی اے بے خبر راز دوام زندگی زندگی برتر از اندیشۂ سود و زیاں ہے زندگی ہے کبھی جاں اور کبھی تسليم جاں ہے زندگی تو اسے پیمانۂ امروز و فردا سے نہ ناپ جاوداں پیہم دواں ہر دم جواں ہے زندگی اپنی دنیا آپ پیدا کر اگر زندوں میں ہے سر آدم ہے ضمیر کن فکاں ہے زندگی زندگانی کی حقیقت کوہ کن کے دل سے پوچھ جوئے شير و تيشہ و سنگ گراں ہے زندگی بندگی میں گھٹ کے رہ جاتی ہے اک جوئے کم آب اور آزادی میں بحر بیکراں ہے زندگی آشکارا ہے یہ اپنی قوت تسخیر سے گرچہ اک مٹی کے پیکر میں نہاں ہے زندگی قلزم ہستی سے تو ابھرا ہے مانند حباب اس زیاں خانے میں تیرا امتحاں ہے زندگی خام ہے جب تک تو ہے مٹی کا اک انبار تو پختہ ہو جائے تو ہے شمشير بے زنہار تو ہو صداقت کے لیے جس دل میں مرنے کی تڑپ پہلے اپنے پیکر خاکی میں جاں پیدا کرے پھونک ڈالے یہ زمین و آسمان مستعار اور خاکستر سے آپ اپنا جہاں پیدا کرے زندگی کی قوت پنہاں کو کر دے آشکار تا یہ چنگاری فروغ جاوداں پیدا کرے خاک مشرق پر چمک جائے مثال آفتاب تا بدخشاں پھر وہی لعل گراں پیدا کرے سوئے گردوں نالۂ شبگیر کا بھیجے صفیر رات کے تاروں میں اپنے رازداں پیدا کرے یہ گھڑی محشر کی ہے تو عرصۂ محشر میں ہے پیش کر غافل عمل کوئی اگر دفتر میں ہے سلطنت آ بتاؤں تجھ کو رمز آيۂ ان الملوک سلطنت اقوام غالب کی ہے اک جادوگری خواب سے بے دار ہوتا ہے ذرا محکوم اگر پھر سلا دیتی ہے اس کو حکمراں کی ساحری جادوئے محمود کی تاثیر سے چشم اياز دیکھتی ہے حلقۂ گردن میں ساز دل بری خون اسرائيل آ جاتا ہے آخر جوش میں توڑ دیتا ہے کوئی موسیٰ طلسم سامری سروری زیبا فقط اس ذات بے ہمتا کو ہے حکمراں ہے اک وہی باقی بتان آذری از غلامی فطرت آزاد را رسوا مکن تا تراشی خواجۂ از برہمن کافر تری ہے وہی ساز کہن مغرب کا جمہوری نظام جس کے پردوں میں نہیں غير از نوائے قيصري دیو استبداد جمہوری قبا میں پائے کوب تو سمجھتا ہے یہ آزادی کی ہے نیلم پری مجلس آئين و اصلاح و رعايات و حقوق طب مغرب میں مزے میٹھے اثر خواب آوری گرمئ گفتار اعضائے مجالس الاماں یہ بھی اک سرمایہ داروں کی ہے جنگ زرگری اس سراب رنگ و بو کو گلستاں سمجھا ہے تو آہ اے ناداں قفس کو آشیاں سمجھا ہے تو سرمایہ و محنت بندۂ مزدور کو جا کر مرا پیغام دے خضر کا پیغام کیا ہے یہ پيام کائنات اے کہ تجھ کو کھا گیا سرمايہ دار حيلہ گر شاخ آہو پر رہی صدیوں تلک تیری برات دست دولت آفريں کو مزد یوں ملتی رہی اہل ثروت جیسے دیتے ہیں غریبوں کو زکوٰۃ ساحر الموط نے تجھ کو دیا برگ حشيش اور تو اے بے خبر سمجھا اسے شاخ نبات نسل قومیت کلیسا سلطنت تہذیب رنگ خواجگی نے خوب چن چن کے بنائے مسکرات کٹ مرا ناداں خیالی دیوتاؤں کے لیے سکر کی لذت میں تو لٹوا گیا نقد حیات مکر کی چالوں سے بازی لے گیا سرمایہ دار انتہائے سادگی سے کھا گیا مزدور مات اٹھ کہ اب بزم جہاں کا اور ہی انداز ہے مشرق و مغرب میں تیرے دور کا آغاز ہے ہمت عالی تو دریا بھی نہیں کرتی قبول غنچہ ساں غافل ترے دامن میں شبنم کب تلک نغمۂ بيداریٔ جمہور ہے سامان عیش قصۂ خواب آور اسکندر و جم کب تلک آفتاب تازہ پیدا بطن گیتی سے ہوا آسمان ڈوبے ہوئے تاروں کا ماتم کب تلک توڑ ڈالیں فطرت انساں نے زنجیریں تمام دوریٔ جنت سے روتی چشم آدم کب تلک باغبان چارہ فرما سے یہ کہتی ہے بہار زخم گل کے واسطے تدبیر مرہم کب تلک کرمک ناداں طواف شمع سے آزاد ہو اپنی فطرت کے تجلی زار میں آباد ہو دنیائے اسلام کیا سناتا ہے مجھے ترک و عرب کی داستاں مجھ سے کچھ پنہاں نہیں اسلامیوں کا سوز و ساز لے گئے تثلیث کے فرزند ميراث خليل خشت بنیاد کلیسا بن گئی خاک حجاز ہو گئی رسوا زمانے میں کلاہ لالہ رنگ جو سراپا ناز تھے ہیں آج مجبور نياز لے رہا ہے مے فروشان فرنگستاں سے پارس وہ مے سرکش حرارت جس کی ہے مينا گداز حکمت مغرب سے ملت کی یہ کیفیت ہوئی ٹکڑے ٹکڑے جس طرح سونے کو کر دیتا ہے گاز ہو گیا مانند آب ارزاں مسلماں کا لہو مضطرب ہے تو کہ تیرا دل نہیں دانائے راز گفت رومی ہر بنائے کہنہ کآباداں کنند می نداني اول آں بنیاد را ویراں کنند ملک ہاتھوں سے گیا ملت کی آنکھیں کھل گئیں حق ترا چشمے عطا کر دست غافل در نگر مومیائی کی گدائی سے تو بہتر ہے شکست مور بے پر حاجتے پیش سلیمانے مبر ربط و ضبط ملت بيضا ہے مشرق کی نجات ایشیا والے ہیں اس نکتے سے اب تک بے خبر پھر سیاست چھوڑ کر داخل حصار ديں میں ہو ملک و دولت ہے فقط حفظ حرم کا اک ثمر ایک ہوں مسلم حرم کی پاسبانی کے لئے نیل کے ساحل سے لے کر تا بخاک کاشغر جو کرے گا امتياز رنگ و خوں مٹ جائے گا ترک خرگاہی ہو یا اعرابیٔ والا گہر نسل اگر مسلم کی مذہب پر مقدم ہو گئی اڑ گیا دنیا سے تو مانند خاک رہ گزر تا خلافت کی بنا دنیا میں ہو پھر استوار لا کہیں سے ڈھونڈ کر اسلاف کا قلب و جگر اے کہ نشناسی خفی را از جلی ہشیار باش اے گرفتار ابوبکر و علي ہشيار باش عشق کو فریاد لازم تھی سو وہ بھی ہو چکی اب ذرا دل تھام کر فریاد کی تاثیر دیکھ تو نے دیکھا سطوت رفتار دريا کا عروج موج مضطر کس طرح بنتی ہے اب زنجیر دیکھ عام حریت کا جو دیکھا تھا خواب اسلام نے اے مسلماں آج تو اس خواب کی تعبیر دیکھ اپنی خاکستر سمندر کو ہے سامان وجود مر کے پھر ہوتا ہے پیدا یہ جہان پیر دیکھ کھول کر آنکھیں مرے آئينۂ گفتار میں آنے والے دور کی دھندلی سی اک تصویر دیکھ آزمودہ فتنہ ہے اک اور بھی گردوں کے پاس سامنے تقدیر کے رسوائی تدبير دیکھ مسلم استی سینہ را از آرزو آباد دار ہر زماں پیش نظر لایخلف المیعاد دار
English rendering
Shair Sahil-e-darya pe main ik raat tha mahv-e-nazar Gosha-e-dil mein chhupaye ik jahan iztirab Shab sukoot afza hua aasoode darya narm sair Thi nazar hairaan ke yeh darya hai ya tasveer-e-aab Jaise gahware mein so jata hai tifl-e-sheer khwar Mauj-e-muztar thi kahin gahraiyon mein mast-e-khwab Raat ke afsoon se taair aashiyanon mein aseer Anjum kum zau giraftar-e-tilism-e-mahtab Dekhta kya hoon ke woh paike jahan paima Khizr Jis ki peeri mein hai manind-e-sehar rang-e-shabaab Keh raha hai mujh se aye joya-e-asrar-e-azal Chashm-e-dil wa ho toh hai taqdeer-e-alam be hijaab Dil mein yeh sun kar bapa hangama-e-mahshar hua Main shaheed-e-justajoo tha yun sukhan guzar hua Aye teri chashm-e-jahan-been par woh toofaan aashkaar Jin ke hangame abhi darya mein sote hain khamoosh Kashti-e-miskeen o jaan-e-paak o deewar-e-yateem Ilm-e-Moosa bhi hai tere saamne hairat faroosh Chhod kar aabadiyan rehta hai tu sehra naward Zindagi teri hai be roz o shab o farda o dosh Zindagi ka raaz kya hai saltanat kya cheez hai Aur yeh sarmaya o mehnat mein hai kaisa kharosh Ho raha hai Asia ka khirqa-e-deereena chaak Naujawan aqwaam-e-nau daulat ke hain paira-e-posh Garcha Iskandar raha mehroom-e-aab-e-zindagi Fitrat-e-Iskandari ab tak hai garm-e-nao nosh Bechta hai Hashmi namoos-e-deen-e-Mustafa Khaak o khoon mein mil raha hai Turakman-e-sakht kosh Aag hai aulaad-e-Ibrahim hai Namrood hai Kya kisi ko phir kisi ka imtehaan maqsood hai Jawaab-e-Khizr Sehra Nawardi Kyun ta'ajjub hai meri sehra nawardi par tujhe Yeh tagaa pooye damadam zindagi ki hai daleel Aye raheene khana tu ne woh samaan dekha nahin Goonjti hai jab fiza-e-dasht mein baang-e-raheel Reet ke teele pe woh aahoo ka be parwa khiraam Woh hazar be barg o saamaan woh safar be sang o meel Woh namood-e-akhtar-e-seemaab pa hangaam-e-subah Ya numayan baam-e-gardoon se jabeen-e-Jibreel Woh sukoot-e-shaam-e-sehra mein ghuroob-e-aaftaab Jis se roshan tar hui chashm-e-jahan-been-e-Khaleel Aur woh paani ke chashme par maqam-e-karwan Ahl-e-eemaan jis tarah jannat mein gard-e-salsabeel Taza veerane ki saudaa-e-mohabbat ko talaash Aur aabadi mein tu zanjeeri-e-kisht o nakheel Pukhta tar hai gardish-e-paiham se jaam-e-zindagi Hai yahi aye bekhabar raaz-e-dawaam-e-zindagi Zindagi Bartar az andeesha-e-sood o ziyan hai zindagi Hai kabhi jaan aur kabhi tasleem-e-jaan hai zindagi Tu ise paimana-e-imroz o farda se na naap Jaavedaan paiham dawaan har dam jawaan hai zindagi Apni duniya aap paida kar agar zindon mein hai Sirr-e-Adam hai zameer-e-kun fakaan hai zindagi Zindagani ki haqeeqat koh-kan ke dil se poochh Joo-e-sheer o tesha o sang-e-giraan hai zindagi Bandagi mein ghat ke reh jaati hai ik joo-e-kum aab Aur aazaadi mein beheer-e-bekaraan hai zindagi Aashkara hai yeh apni quwwat-e-taskheer se Garcha ik mitti ke paikar mein nihaan hai zindagi Qulzam-e-hasti se tu ubhra hai manind-e-habab Is ziyan khane mein tera imtehaan hai zindagi Khaam hai jab tak tu hai mitti ka ik ambaar tu Pukhta ho jaaye toh hai shamshir-e-be-zanhaar tu Ho sadaaqat ke liye jis dil mein marne ki tadap Pehle apne paikar-e-khaaki mein jaan paida kare Phoonk daale yeh zameen o aasmaan-e-musta'aar Aur khaakistar se aap apna jahan paida kare Zindagi ki quwwat-e-pinhaan ko kar de aashkaar Ta yeh chingaari farogh-e-jaavedaan paida kare Khaak-e-Mashriq par chamak jaaye misaal-e-aaftaab Ta Badakhshan phir wahi la'al-e-giraan paida kare Sooye gardoon nala-e-shabgeer ka bheje safeer Raat ke taaron mein apne raazdaan paida kare Yeh ghadi mahshar ki hai tu arsa-e-mahshar mein hai Pesh kar ghafil amal koi agar daftar mein hai Saltanat Aa bataon tujh ko ramz-e-aaya-e-inna-l-mulook Saltanat aqwaam-e-ghaalib ki hai ik jaadugari Khwab se bedaar hota hai zara mehkoom agar Phir sula deti hai us ko hukmraan ki saahiri Jaadoo-e-Mahmood ki taaseer se chashm-e-Ayaz Dekhti hai halqa-e-gardan mein saaz-e-dilbari Khoon-e-Israel aa jata hai aakhir josh mein Tod deta hai koi Moosa tilism-e-Saamri Sarwari zeba faqat us zaat-e-be-hamta ko hai Hukmraan hai ik wahi baaqi butaan-e-Azari Az ghulami fitrat-e-azaad ra ruswa makun Ta tarashi Khwaja az Brahman kaafir tari Hai wahi saaz-e-kuhan Maghrib ka jamhoori nizaam Jis ke pardon mein nahin ghair az nawa-e-Qaisari Dev-e-istibdad jamhoori qaba mein paaye kob Tu samajhta hai yeh aazadi ki hai neelam pari Majlis-e-aaeen o islah o ra'aayaat o huqooq Tab'e Maghrib mein maze meethe asar khwab-aawari Garmi-e-guftaar a'za-e-majalis al-amaan Yeh bhi ik sarmaya daron ki hai jang-e-zargari Is saraab-e-rang o boo ko gulistan samjha hai tu Aah aye nadan qafas ko aashiyan samjha hai tu Sarmaya o Mehnat Banda-e-mazdoor ko ja kar mera paigham de Khizr ka paigham kya hai yeh payam-e-kainaat Aye ke tujh ko kha gaya sarmaya-e-daar-e-heela gar Shaakh-e-aahoo par rahi sadiyon talak teri baraat Dast-e-daulat aafreen ko muzd yun milti rahi Ahl-e-sarwat jaise dete hain ghareebon ko zakaat Saahir-ul-maut ne tujh ko diya barg-e-hasheesh Aur tu aye bekhabar samjha ise shaakh-e-nabaat Nasl-e-qaumiyat kalisa saltanat tehzeeb-e-rang Khwajagi ne khoob chun chun ke banaye muskiraat Kat mara nadan khayali devtaon ke liye Sakar ki lazzat mein tu lutwaya gaya naqd-e-hayat Makr ki chalon se baazi le gaya sarmaya dar Intiha-e-saadgi se kha gaya mazdoor maat Uth ke ab bazm-e-jahan ka aur hi andaaz hai Mashriq o Maghrib mein tere daur ka aaghaz hai Himmat-e-aali toh darya bhi nahin karti qabool Ghunche sa nadan tere daaman mein shabnam kab talak Naghma-e-bedari-e-jumhoor hai samaan-e-aish Qissa-e-khwab aawar Iskandar o Jam kab talak Aaftaab-e-taza paida batn-e-geeti se hua Aasmaan doobe hue taaron ka matam kab talak Tod daalein fitrat-e-insaan ne zanjeerein tamam Doori-e-jannat se roti chashm-e-Adam kab talak Baghbaan-e-charah farma se yeh kehti hai bahar Zakhm-e-gul ke waaste tadbeer-e-marham kab talak Karmak-e-nadan tawaaf-e-shama se aazaad ho Apni fitrat ke tajalli zaar mein aabaad ho Duniya-e-Islam Kya sunata hai mujhe Turak o Arab ki daastan Mujh se kuch pinhaan nahin Islami'on ka soz o saaz Le gaye taslees ke farzand meeras-e-Khaleel Khisht-e-bunyaad-e-kalisa ban gayi khaak-e-Hijaz Ho gayi ruswa zamane mein kulaah-e-laala rang Jo saraapa naaz the hain aaj majboor-e-niyaz Le raha hai may faroshan-e-Farangistan se Paaras Woh may-e-sarkash haraarat jis ki hai meena-gudaaz Hikmat-e-Maghrib se millat ki yeh kaifiyat hui Tukde tukde jis tarah sone ko kar deta hai gaaz Ho gaya manind-e-aab arzaan Musalman ka lahoo Muztarib hai tu ke tera dil nahin daana-e-raaz Guft-e-Rumi har banaaye kohna kaabaadaan kunand Mi nadani awwal aan bunyaad ra veeran kunand Mulk haathon se gaya millat ki aankhen khul gayin Haq tera chashme ata kar dast-e-ghafil dar nagar Momiyai ki gadai se toh behtar hai shikast Moor-e-be-par haajaten pesh-e-Sulaiman-e-mabar Rabt o zabt-e-millat-e-baiza hai Mashriq ki nijaat Asia wale hain is nukte se ab tak bekhabar Phir siyasat chhod kar daakhil-e-hisaar-e-deen mein ho Mulk o daulat hai faqat hifz-e-haram ka ik samar Ek hon Muslim haram ki paasbaani ke liye Neel ke saahil se le kar ta ba-khaak-e-Kashghar Jo kare ga imtiaz-e-rang o khoon mit jaayega Turak-e-khargahi ho ya A'arabi-e-wala gohar Nasl agar Muslim ki mazhab par muqaddam ho gayi Ud gaya duniya se tu manind-e-khaak-e-reh-guzar Ta khilafat ki bina duniya mein ho phir ustuwar La kahin se dhoond kar aslaf ka qalb o jigar Aye ke nashinaasi khafi ra az jali hoshiyar baash Aye giraftar-e-Abu Bakr o Ali hoshiyar baash Ishq ko faryaad lazim thi so woh bhi ho chuki Ab zara dil thaam kar faryaad ki taaseer dekh Tu ne dekha satwat-e-raftar-e-darya ka urooj Mauj-e-muztar kis tarah banti hai ab zanjeer dekh Aam hurriyat ka jo dekha tha khwab Islam ne Aye Musalman aaj tu is khwab ki ta'abeer dekh Apni khaakistar samandar ko hai samaan-e-wajood Mar ke phir hota hai paida yeh jahan-e-peer dekh Khol kar aankhen mere aaina-e-guftaar mein Aane wale daur ki dhundli si ik tasveer dekh Aazmooda fitna hai ik aur bhi gardoon ke paas Saamne taqdeer ke ruswai-e-tadbeer dekh Muslim asti seena ra az aarzoo aabaad daar Har zaman pesh-e-nazar la yakhlif-ul-mi'aad daar