شکوہ
کیوں زیاں کار بنوں سود فراموش رہوں فکر فردا نہ کروں محو غم دوش رہوں نالے بلبل کے سنوں اور ہمہ تن گوش رہوں ہم نوا میں بھی کوئی گل ہوں کہ خاموش رہوں جرأت آموز مری تاب سخن ہے مجھ کو شکوہ اللہ سے خاکم بدہن ہے مجھ کو ہے بجا شیوۂ تسلیم میں مشہور ہیں ہم قصۂ درد سناتے ہیں کہ مجبور ہیں ہم ساز خاموش ہیں فریاد سے معمور ہیں ہم نالہ آتا ہے اگر لب پہ تو معذور ہیں ہم اے خدا شکوۂ ارباب وفا بھی سن لے خوگر حمد سے تھوڑا سا گلہ بھی سن لے تھی تو موجود ازل سے ہی تری ذات قدیم پھول تھا زیب چمن پر نہ پریشاں تھی شمیم شرط انصاف ہے اے صاحب الطاف عمیم بوئے گل پھیلتی کس طرح جو ہوتی نہ نسیم ہم کو جمعیت خاطر یہ پریشانی تھی ورنہ امت ترے محبوب کی دیوانی تھی ہم سے پہلے تھا عجب تیرے جہاں کا منظر کہیں مسجود تھے پتھر کہیں معبود شجر خوگر پیکر محسوس تھی انساں کی نظر مانتا پھر کوئی ان دیکھے خدا کو کیونکر تجھ کو معلوم ہے لیتا تھا کوئی نام ترا قوت بازوئے مسلم نے کیا کام ترا بس رہے تھے یہیں سلجوق بھی تورانی بھی اہل چیں چین میں ایران میں ساسانی بھی اسی معمورے میں آباد تھے یونانی بھی اسی دنیا میں یہودی بھی تھے نصرانی بھی پر ترے نام پہ تلوار اٹھائی کس نے بات جو بگڑی ہوئی تھی وہ بنائی کس نے تھے ہمیں ایک ترے معرکہ آراؤں میں خشکیوں میں کبھی لڑتے کبھی دریاؤں میں دیں اذانیں کبھی یورپ کے کلیساؤں میں کبھی ایفریقا کے تپتے ہوئے صحراؤں میں شان آنکھوں میں نہ جچتی تھی جہانداروں کی کلمہ پڑھتے تھے ہمیں چھاؤں میں تلواروں کی ہم جو جیتے تھے تو جنگوں کی مصیبت کے لیے اور مرتے تھے ترے نام کی عظمت کے لیے تھی نہ کچھ تیغ زنی اپنی حکومت کے لیے سر بکف پھرتے تھے کیا دہر میں دولت کے لیے قوم اپنی جو زرو و مال جہاں پر مرتی بت فروشی کے عوض بت شکنی کیوں کرتی ٹل نہ سکتے تھے اگر جنگ میں اڑ جاتے تھے پاؤں شیروں کے بھی میداں سے اکھڑ جاتے تھے تجھ سے سرکش ہوا کوئی تو بگڑ جاتے تھے تیغ کیا چیز ہے ہم توپ سے لڑ جاتے تھے نقش توحید کا ہر دل پہ بٹھایا ہم نے زیر خنجر بھی یہ پیغام سنایا ہم نے تو ہی کہہ دے کہ اکھاڑا در خیبر کس نے شہر قیصر کا جو تھا اس کو کیا سر کس نے توڑے مخلوق خدا وندوں کے پیکر کس نے کاٹ کر رکھ دئیے کفار کے لشکر کس نے کس نے ٹھنڈا کیا آتشکدۂ ایراں کو کس نے پھر زندہ کیا تذکرۂ یزداں کو کون سی قوم فقط تیری طلب گار ہوئی اور تیرے لیے زحمت کش پیکار ہوئی کس کی شمشیر جہانگیر جہاں دار ہوئی کس کی تکبیر سے دنیا تری بیدار ہوئی کس کی ہیبت سے صنم سہمے ہوئے رہتے تھے منہ کے بل گر کے ہو اللہ احد کہتے تھے آ گیا عین لڑائی میں اگر وقت نماز قبلہ رو ہو کے زمیں بوس ہوئی ہوئی قوم حجاز ایک ہی صف میں کھڑے ہو گئے محمود و ایاز نہ کوئی بندہ رہا اور نہ کوئی بندہ نواز بندہ و صاحب و محتاج و غنی ایک ہوئے تیری سرکار میں پہنچے تو سبھی ایک ہوئے محفل کون و مکاں میں سحر و شام پھرے مئے توحید کو لے کر صفت جام پھرے کوہ میں دشت میں لے کر ترا پیغام پھرے اور معلوم ہے تجھ کو کبھی ناکام پھرے دشت تو دشت ہیں دریا بھی نہ چھوڑے ہم نے بحر ظلمات میں دوڑا دئیے گھوڑے ہم نے صفحۂ دہر سے باطل کو مٹایا ہم نے نوع انساں کو غلامی سے چھڑایا ہم نے تیرے کعبے کو جبینوں سے بسایا ہم نے تیرے قرآن کو سینوں سے لگایا ہم نے پھر بھی ہم سے یہ گلہ ہے کہ وفادار نہیں ہم وفادار نہیں تو بھی تو دل دار نہیں امتیں اور بھی ہیں ان میں گنہ گار بھی ہیں عجز والے بھی ہیں مست مئے پندار بھی ہیں ان میں کاہل بھی ہیں غافل بھی ہیں ہشیار بھی ہیں سیکڑوں ہیں کہ ترے نام سے بے زار بھی ہیں رحمتیں ہیں تری اغیار کے کاشانوں پر برق گرتی ہے تو بے چارے مسلمانوں پر بت صنم خانوں میں کہتے ہیں مسلمان گئے ہے خوشی ان کو کہ کعبے کے نگہبان گئے منزل دہر سے اونٹوں کے حدی خوان گئے اپنی بغلوں میں دبائے ہوئے قرآن گئے خندہ زن کفر ہے احساس تجھے ہے کہ نہیں اپنی توحید کا کچھ پاس تجھے ہے کہ نہیں یہ شکایت نہیں ہیں ان کے خزانے معمور نہیں محفل میں جنہیں بات بھی کرنے کا شعور قہر تو یہ ہے کہ کافر کو ملیں حور و قصور اور بے چارے مسلماں کو فقط وعدۂ حور اب وہ الطاف نہیں ہم پہ عنایات نہیں بات یہ کیا ہے کہ پہلی سی مدارات نہیں کیوں مسلمانوں میں ہے دولت دنیا نایاب تیری قدرت تو ہے وہ جس کی نہ حد ہے نہ حساب تو جو چاہے تو اٹھے سینۂ صحرا سے حباب رہرو دشت ہو سیلی زدۂ موج سراب طعن اغیار ہے رسوائی ہے ناداری ہے کیا ترے نام پہ مرنے کا عوض خواری ہے بنی اغیار کی اب چاہنے والی دنیا رہ گئی اپنے لیے ایک خیالی دنیا ہم تو رخصت ہوئے اوروں نے سنبھالی دنیا پھر نہ کہنا ہوئی توحید سے خالی دنیا ہم تو جیتے ہیں کہ دنیا میں ترا نام رہے کہیں ممکن ہے کہ ساقی نہ رہے جام رہے تیری محفل بھی گئی چاہنے والے بھی گئے شب کی آہیں بھی گئیں صبح کے نالے بھی گئے دل تجھے دے بھی گئے اپنا صلہ لے بھی گئے آ کے بیٹھے بھی نہ تھے اور نکالے بھی گئے آئے عشاق گئے وعدۂ فردا لے کر اب انہیں ڈھونڈ چراغ رخ زیبا لے کر درد لیلیٰ بھی وہی قیس کا پہلو بھی وہی نجد کے دشت و جبل میں رم آہو بھی وہی عشق کا دل بھی وہی حسن کا جادو بھی وہی امت احمد مرسل بھی وہی تو بھی وہی پھر یہ آرزدگئ غیر سبب کیا معنی اپنے شیداؤں پہ یہ چشم غضب کیا معنی تجھ کو چھوڑا کہ رسول عربی کو چھوڑا بت گری پیشہ کیا بت شکنی کو چھوڑا عشق کو عشق کی آشفتہ سری کو چھوڑا رسم سلمان و اویس قرنی کو چھوڑا آگ تکبیر کی سینوں میں دبی رکھتے ہیں زندگی مثل بلال حبشی رکھتے ہیں عشق کی خیر وہ پہلی سی ادا بھی نہ سہی جادہ پیمائی تسلیم و رضا بھی نہ سہی مضطرب دل صفت قبلہ نما بھی نہ سہی اور پابندی آئین وفا بھی نہ سہی کبھی ہم سے کبھی غیروں سے شناسائی ہے بات کہنے کی نہیں تو بھی تو ہرجائی ہے سر فاراں پہ کیا دین کو کامل تو نے اک اشارے میں ہزاروں کے لیے دل تو نے آتش اندوز کیا عشق کا حاصل تو نے پھونک دی گرمئ رخسار سے محفل تو نے آج کیوں سینے ہمارے شرر آباد نہیں ہم وہی سوختہ ساماں ہیں تجھے یاد نہیں وادیٔ نجد میں وہ شور سلاسل نہ رہا قیس دیوانۂ نظارۂ محمل نہ رہا حوصلے وہ نہ رہے ہم نہ رہے دل نہ رہا گھر یہ اجڑا ہے کہ تو رونق محفل نہ رہا اے خوشا آں روز کہ آئی و بصد ناز آئی بے حجابانہ سوئے محفل ما باز آئی بادہ کش غیر ہیں گلشن میں لب جو بیٹھے سنتے ہیں جام بکف نغمۂ کو کو بیٹھے دور ہنگامۂ گلزار سے یکسو بیٹھے تیرے دیوانے بھی ہیں منتظر ہو بیٹھے اپنے پروانوں کو پھر ذوق خود افروزی دے برق دیرینہ کو فرمان جگر سوزی دے قوم آوارہ عناں تاب ہے پھر سوئے حجاز لے اڑا بلبل بے پر کو مذاق پرواز مضطرب باغ کے ہر غنچے میں ہے بوئے نیاز تو ذرا چھیڑ تو دے تشنۂ مضراب ہے ساز نغمے بیتاب ہیں تاروں سے نکلنے کے لیے طور مضطر ہے اسی آگ میں جلنے کے لیے مشکلیں امت مرحوم کی آساں کر دے مور بے مایہ کو ہمدوش سلیماں کر دے جنس نایاب محبت کو پھر ارزاں کر دے ہند کے دیر نشینوں کو مسلماں کر دے جوئے خوں می چکد از حسرت دیرینۂ ما می تپد نالہ بہ نشتر کدۂ سینۂ ما بوئے گل لے گئی بیرون چمن راز چمن کیا قیامت ہے کہ خود پھول ہیں غماز چمن عہد گل ختم ہوا ٹوٹ گیا ساز چمن اڑ گئے ڈالیوں سے زمزمہ پرداز چمن ایک بلبل ہے کہ ہے محو ترنم اب تک اس کے سینے میں ہے نغموں کا تلاطم اب تک قمریاں شاخ صنوبر سے گریزاں بھی ہوئیں پتیاں پھول کی جھڑ جھڑ کے پریشاں بھی ہوئیں وہ پرانی روشیں باغ کی ویراں بھی ہوئیں ڈالیاں پیرہن برگ سے عریاں بھی ہوئیں قید موسم سے طبیعت رہی آزاد اس کی کاش گلشن میں سمجھتا کوئی فریاد اس کی لطف مرنے میں ہے باقی نہ مزہ جینے میں کچھ مزہ ہے تو یہی خون جگر پینے میں کتنے بیتاب ہیں جوہر مرے آئینے میں کس قدر جلوے تڑپتے ہیں مرے سینے میں اس گلستاں میں مگر دیکھنے والے ہی نہیں داغ جو سینے میں رکھتے ہوں وہ لالے ہی نہیں چاک اس بلبل تنہا کی نوا سے دل ہوں جاگنے والے اسی بانگ درا سے دل ہوں یعنی پھر زندہ نئے عہد وفا سے دل ہوں پھر اسی بادۂ دیرینہ کے پیاسے دل ہوں عجمی خم ہے تو کیا مے تو حجازی ہے مری نغمہ ہندی ہے تو کیا لے تو حجازی ہے مری
English rendering
Kyun ziyan-kaar banoon sood faramoosh rahoon Fikr-e-farda na karoon mahw-e-gham-e-dosh rahoon Naale bulbul ke sunoon aur hama tan gosh rahoon Hamnawa main bhi koi gul hoon ke khamoosh rahoon Jur'at aamoz meri taab-e-sukhan hai mujh ko Shikwa Allah se khaakam ba-dahan hai mujh ko Hai baja shewa-e-tasleem mein mashhoor hain hum Qissa-e-dard sunate hain ke majboor hain hum Saaz khamoosh hain faryaad se mamoor hain hum Nala aata hai agar lab pe toh ma'zoor hain hum Aye Khuda shikwa-e-arbab-e-wafa bhi sun le Khuugar-e-hamd se thoda sa gila bhi sun le Thi toh maujood azal se hi teri zaat-e-qadeem Phool tha zeb-e-chaman par na pareshan thi shamim Shart-e-insaf hai aye sahib-ul-altaaf-e-ameem Boo-e-gul phailti kis tarah jo hoti na naseem Hum ko jam'iyyat-e-khatir yeh pareshani thi Warna ummat tere mehboob ki deewani thi Hum se pehle tha ajab tere jahan ka manzar Kahin masjood the patthar kahin ma'abood shajar Khuugar-e-paikar-e-mehsoos thi insaan ki nazar Maanta phir koi un dekhe Khuda ko kyun kar Tujh ko ma'aloom hai leta tha koi naam tera Quwwat-e-bazoo-e-Muslim ne kiya kaam tera Bas rahe the yahin Saljooq bhi Toorani bhi Ahl-e-Cheen Cheen mein Iran mein Sasani bhi Isi ma'amoore mein aabaad the Yunanani bhi Isi duniya mein Yahoodi bhi the Nasrani bhi Par tere naam pe talwar uthai kis ne Baat jo bigdi hui thi woh banai kis ne The hama tan ek tere ma'arka-aaraon mein Khushkiyon mein kabhi ladte kabhi daryaon mein Deen azanein kabhi Europe ke kalisaon mein Kabhi Africa ke tapte hue sehraon mein Shaan aankhon mein na jachti thi jahandaaron ki Kalma padhte the hama chhhaon mein talwaron ki Hum jo jeete the toh jangon ki museebat ke liye Aur marte the tere naam ki azmat ke liye Thi na kuch tegh-zani apni hukoomat ke liye Sar ba-kaf phirte the kya dehr mein daulat ke liye Qaum apni jo zar o maal-e-jahan par marti But faroshi ke iwaz but shikani kyun karti Tal na sakte the agar jang mein ud jaate the Paaon sheroun ke bhi maidan se ukhad jaate the Tujh se sarkash hua koi toh bigad jaate the Tegh kya cheez hai hum top se lad jaate the Naqsh-e-tauheed ka har dil pe bithaya hum ne Zair-e-khanjar bhi yeh paigham sunaya hum ne Tu hi keh de ke ukhaada dar-e-Khaibar kis ne Shehr-e-Qaisar ka jo tha us ko kiya sar kis ne Tode makhlooq-e-Khuda-wandon ke paikar kis ne Kaat kar rakh diye kuffar ke lashkar kis ne Kis ne thanda kiya aatishkada-e-Iran ko Kis ne phir zinda kiya tazkira-e-Yazdan ko Kaun si qaum faqat teri talab-gaar hui Aur tere liye zehmat-kash-e-paikar hui Kis ki shamshir-e-jahan-geer jahan-daar hui Kis ki takbeer se duniya teri bedaar hui Kis ki haibat se sanam sehme hue rehte the Munh ke bal gir ke ho Allah Ahad kehte the Aa gaya ain ladai mein agar waqt-e-namaz Qibla-rau ho ke zameen-bos hui qaum-e-Hejaz Ek hi saf mein khade ho gaye Mahmood o Ayaz Na koi banda raha aur na koi banda nawaz Banda o sahib o mohtaj o ghani ek hue Teri sarkar mein pahunche toh sabhi ek hue Mehfil-e-kaun o makaan mein sehar o shaam phire May-e-tauheed ko le kar sifat-e-jaam phire Koh mein dasht mein le kar tera paigham phire Aur ma'aloom hai tujh ko kabhi nakaam phire Dasht toh dasht hain darya bhi na chhode hum ne Behr-e-zulmat mein dauda diye ghode hum ne Safha-e-dehr se baatil ko mitaya hum ne Nau-e-insaan ko ghulami se chhudaaya hum ne Tere Ka'abe ko jabeenon se basaya hum ne Tere Quran ko seenon se lagaya hum ne Phir bhi hum se yeh gila hai ke wafadar nahin Hum wafadar nahin toh bhi toh dildaar nahin Ummaten aur bhi hain un mein gunahgar bhi hain Ajez wale bhi hain mast-e-may-e-pindaar bhi hain In mein kaahil bhi hain ghafil bhi hain hoshiyar bhi hain Sainkadon hain ke tere naam se bezaar bhi hain Rehmatein hain teri aghyaar ke kaashanon par Barq girti hai toh bechare Musalmanon par But sanam khanon mein kehte hain Musalman gaye Hai khushi un ko ke Ka'abe ke nigehbaan gaye Manzil-e-dehr se oonthoun ke hadi khwan gaye Apni baghlon mein dabaye hue Quran gaye Khanda zan kufr hai ehsaas tujhe hai ke nahin Apni tauheed ka kuch paas tujhe hai ke nahin Yeh shikayat nahin hain un ke khazane mamoor Nahin mehfil mein jinhein baat bhi karne ka shaoor Qehar toh yeh hai ke kaafir ko milein hoor o qasoor Aur bechare Musalman ko faqat wa'ada-e-hoor Ab woh altaaf nahin hum pe inayat nahin Baat yeh kya hai ke pehli si mudaarat nahin Kyun Musalmanon mein hai daulat-e-duniya nayaab Teri qudrat toh hai woh jis ki na hadd hai na hisaab Tu jo chahe toh uthe seena-e-sehra se habaab Reh-rau-e-dasht ho saili zada mauj-e-saraab Ta'an-e-aghyaar hai ruswai hai nadaari hai Kya tere naam pe marne ka iwaz khwari hai Bani aghyaar ki ab chahne wali duniya Reh gayi apne liye ek khayali duniya Hum toh rukhsat hue auron ne sambhali duniya Phir na kehna hui tauheed se khaali duniya Hum toh jeete hain ke duniya mein tra naam rahe Kahin mumkin hai ke saaqi na rahe jaam rahe Teri mehfil bhi gayi chahne wale bhi gaye Shab ki aahein bhi gayin subah ke naale bhi gaye Dil tujhe de bhi gaye apna sila le bhi gaye Aa ke baithe bhi na the aur nikale bhi gaye Aaye ushshaaq gaye wa'ada-e-farda le kar Ab unhein dhoond chiragh-e-rukh-e-zeba le kar Dard-e-Laila bhi wahi Qais ka pehloo bhi wahi Najd ke dasht o jabal mein ram-e-aahoo bhi wahi Ishq ka dil bhi wahi husn ka jaadoo bhi wahi Ummat-e-Ahmad-e-Mursal bhi wahi tu bhi wahi Phir yeh aarzurdagi-e-ghair sabab kya ma'ani Apne shaidaon pe yeh chashm-e-ghazab kya ma'ani Tujh ko chhoda ke Rasool-e-Arabi ko chhoda But-gari pesha kiya but-shikani ko chhoda Ishq ko ishq ki aashufta-sari ko chhoda Rasm-e-Salman o Owais Qarani ko chhoda Aag takbeer ki seenon mein dabi rakhte hain Zindagi misl-e-Bilal Habshi rakhte hain Ishq ki khair woh pehli si ada bhi na sahi Jaada paimaai-e-tasleem o raza bhi na sahi Muztarib dil sifat-e-qibla-numa bhi na sahi Aur paabandi-e-aayeen-e-wafa bhi na sahi Kabhi hum se kabhi ghairon se shanasai hai Baat kehne ki nahin tu bhi toh harjaai hai Sar-e-Faaraan pe kiya deen ko kamil tu ne Ik ishaare mein hazaaron ke liye dil tu ne Aatish-andoz kiya ishq ka haasil tu ne Phoonk di garmi-e-rukhsaar se mehfil tu ne Aaj kyun seene hamare sharar aabaad nahin Hum wahi sokhta samaan hain tujhe yaad nahin Wadi-e-Najd mein woh shor-e-salasil na raha Qais deewane nazara-e-mehmil na raha Hausle woh na rahe hum na rahe dil na raha Ghar yeh ujda hai ke tu raunaq-e-mehfil na raha Aye khusha aan roz ke aayi o ba-sad naaz aayi Be-hijabana soo-e-mehfil-e-maa baaz aayi Baada-kash ghair hain gulshan mein lab-e-ju baithe Sunte hain jaam ba-kaf naghma-e-ku ku baithe Door hangama-e-gulzar se yak-su baithe Tere deewane bhi hain muntazir ho baithe Apne parwanon ko phir zauq-e-khud afrozii de Barq-e-dareena ko farmaan-e-jigar sozii de Qaum aawara-e-inan taab hai phir soo-e-Hijaz Le uda bulbul-e-be-par ko mazaaq-e-parwaz Muztarib bagh ke har ghunche mein hai boo-e-niyaz Tu zara chhed toh de tishna mizraab hai saaz Nagme betaab hain taaron se nikalne ke liye Toor muztar hai isi aag mein jalne ke liye Mushkilen ummat-e-marhoom ki aasaan kar de Moor-e-be-maya ko hamdosh-e-Sulaiman kar de Jins-e-nayamab-e-mohabbat ko phir arzaan kar de Hind ke dair nasheenon ko Musalman kar de Joo-e-khoon mi chakad az hasrat-e-deereena-e-maa Mi tapad nala ba nishtar kadah seena-e-maa Boo-e-gul le gayi beroon-e-chaman raaz-e-chaman Kya qayamat hai ke khud phool hain ghammaz-e-chaman Ahad-e-gul khatm hua toot gaya saaz-e-chaman Ud gaye daaliyon se zamzama parda az chaman Ek bulbul hai ke hai mahw-e-taranum ab tak Us ke seene mein hai naghmon ka talatum ab tak Qamriyan shakh-e-sanobar se gurezaan bhi hui Pattiyan phool ki jhad jhad ke pareshan bhi hui Woh purani rawishen bagh ki veeran bhi hui Daaliyan pairahan-e-barg se uriyaan bhi hui Qaid-e-mausam se tabeeyat rahi azaad is ki Kaash gulshan mein samajhta koi faryaad is ki Lutf marne mein hai baaqi na maza jeene mein Kuch maza hai toh yahi khoon-e-jigar peene mein Kitne betaab hain joher mere aaine mein Kis qadar jalwe tadapte hain mere seene mein Is gulistan mein magar dekhne wale hi nahin Dagh jo seene mein rakhte hon woh laale hi nahin Chak is bulbul-e-tanha ki nawa se dil hon Jaagne wale isi baang-e-dara se dil hon Yaani phir zinda naye ahd-e-wafa se dil hon Phir isi baada-e-deereena ke pyaase dil hon Ajami khum hai toh kya may toh Hijazi hai meri Naghma Hindi hai toh kya lay toh Hijazi hai meri