درد کو ہم زندگی کا کیف و کم کہتے رہے
درد کو ہم زندگی کا کیف و کم کہتے رہے خامشی کے ساز پر روداد غم کہتے رہے گوش بر آواز پوری بزم میں کوئی نہ تھا داستان آرزو کہنے کو ہم کہتے رہے انتہائے یاس میں چلتے رہے بے مدعا دیکھنے والے ہمیں ثابت قدم کہتے رہے دل فریب زندگی میں بے طرح الجھا رہا عشق کو آزاد پتھر کو صنم کہتے رہے کم سوادوں کو مسیحا ناخداؤں کو خدا بود کو نابود ہستی کو عدم کہتے رہے اپنے خوں سے داستان غم رقم کرتے رہے لوح دل کو نوک خنجر کو قلم کہتے رہے آرزو کے کتنے بت خانے تھے اس دل میں نہاں عرشؔ جس دل کو سبھی طاق حرم کہتے رہے
English rendering
Dard ko hum zindagi ka kaif o kam kehte rahe Khamoshi ke saaz par roodad-e-gham kehte rahe Gosh bar aawaz poori bazm meiñ koi na tha Dastan-e-aarzoo kehne ko hum kehte rahe Intiha-e-yaas meiñ chalte rahe be-muddaa Dekhne wale hameñ sabit qadam kehte rahe Dil-fareb zindagi meiñ be-tarah uljha raha Ishq ko azad patthar ko sanam kehte rahe Kam-sawadoñ ko masiha nakhudaaoñ ko khuda Bood ko nabood hasti ko adam kehte rahe Apne khooñ se dastan-e-gham raqam karte rahe Lauh-e-dil ko nok-e-khanjar ko qalam kehte rahe Aarzoo ke kitne but-khanae thay us dil meiñ nihañ Arsh! jis dil ko sabhi taaq-e-haram kehte rahe