دل کہ آرائش عالم کا تماشا دیکھے
دل کہ آرائش عالم کا تماشا دیکھے گر کبھی خود پہ نظر جائے تو صحرا دیکھے آنکھ وہ آنکھ جو ہر قطرے میں دریا دیکھے تو مگر سامنے آ جائے تو پھر کیا دیکھے خواب میں ہو تو یہ دل دیکھے تری دید کے خواب خواب سے جاگے تو اک خواب سی دنیا دیکھے جو سمجھتا ہے کہ کھل جاتا ہے فریاد سے بخت سوئے افلاک کبھی ہاتھ وہ پھیلا دیکھے ابتلا میں ہیں سبھی راہ رو منزل شوق کس کو فرصت کہ مرے پاؤں کا کانٹا دیکھے عرشؔ اگر لفظ و معانی کے ہو تم پیغمبر ایک تصویر بنا جاؤ کہ دنیا دیکھے
English rendering
Dil ke aaraish-e-alam ka tamasha dekhe Gar kabhi khud pe nazar jaaye to sahra dekhe Aankh woh aankh jo har qatre meiñ darya dekhe Tu magar samne aa jaaye to phir kya dekhe Khwab meiñ ho to yeh dil dekhe teri deed ke khwab Khwab se jaage to ik khwab si duniya dekhe Jo samajhta hai ke khul jata hai faryaad se bakht Sooye aflaak kabhi haath woh phailaa dekhe Ibtila meiñ haiñ sabhi raah-rau-e-manzil-e-shauq Kis ko fursat ke mere paaoñ ka kaanta dekhe Arsh! agar lafz o ma'ani ke ho tum paighambar Ek tasveer bana jao ke duniya dekhe