حیراں ہوں کہ یہ کون سا دستور وفا ہے
حیراں ہوں کہ یہ کون سا دستور وفا ہے تو مثل رگ جاں ہے تو کیوں مجھ سے جدا ہے تو اہل نظر ہے تو نہیں تجھ کو خبر کیوں پہلو میں ترے کوئی زمانے سے کھڑا ہے لکھا ہے مرا نام سمندر پہ ہوا نے اور دونو کی فطرت میں سکوں ہے نہ وفا ہے میں شہر و بیاباں میں تجھے ڈھونڈ چکا ہوں بے درد تو کس حجلۂ پنہاں میں چھپا ہے ہم رکھتے ہیں دعویٰ کہ ہے قابو ہمیں دل پر تو سامنے آ جائے تو یہ بات جدا ہے میں دوزخ جاں میں بھی رہا محو تگ و تاز اے خالق افلاک تجھے تو یہ پتا ہے غم ہے کہ مسلسل اسی شدت سے ہے جاری یوں کہنے کو اس عمر کا ہر لمحہ نیا ہے ہر سمت ہوا تیز فضا تا بہ افق تنگ دل ذرۂ صحرا ہے بگولوں میں گھرا ہے کیوں جاگے ہوئے شہر میں تنہا ہے ہر اک شخص یہ روشنی کیسی ہے کہ سایہ بھی جدا ہے اے داور محشر تجھے خود تیری قسم ہے انصاف سے کہہ دل کبھی تیرا بھی پھٹا ہے محسوس کیا ہے کبھی تو نے بھی وہ خنجر غم بن کے جو ہر شخص کے سینے میں گڑا ہے ٹھہرائے اسے عرشؔ کوئی کیسے جفا کیش جو مجھ سے الگ رہ کے بھی ہم راہ چلا ہے
English rendering
Hairan hoon ke yeh kaun sa dastoor-e-wafa hai Tu misl-e-rag-e-jaan hai to kyu'n mujh se juda hai Tu ahl-e-nazar hai to nahin tujh ko khabar kyu'n Pehloo mein tere koi zamane se khada hai Likha hai mira naam samandar pe hawa ne Aur dono ki fitrat mein sukoon hai na wafa hai Main shehr-o-bayaban mein tujhe dhoond chuka hoon Be-dard tu kis hajla-e-pinhan mein chhupa hai Hum rakhte hain daawa ke hai qaaboo hamein dil par Tu saamne aa jaaye to yeh baat juda hai Main dozakh-e-jaan mein bhi raha mahv-e-tag-o-taaz Ae Khaliq-e-aflaak tujhe to yeh pata hai Gham hai ke musalsal isi shiddat se hai jaari Yoo'n kehne ko is umr ka har lamha naya hai Har simt hawa tez fiza ta ba ufuq tang Dil zarra-e-sehara hai bagoolo'n mein ghira hai Kyu'n jaage hue shehr mein tanha hai har ek shakhs Yeh roshni kaisi hai ke saya bhi juda hai Ae Daavar-e-Mahshar tujhe khud teri qasam hai Insaaf se keh dil kabhi tera bhi phata hai Mehsoos kiya hai kabhi tu ne bhi wo khanjar Gham ban ke jo har shakhs ke seene mein gada hai Thehraye use Arshؔ koi kaise jafa-kesh Jo mujh se alag reh ke bhi humrah chala hai