کھلی فضا کا ابھرتا نہیں سماں گھر میں
کھلی فضا کا ابھرتا نہیں سماں گھر میں نہیں بناتے پرندے اب آشیاں گھر میں جو چل رہی تھیں تو دہکا کئے در و دیوار رکیں ہوائیں تو بھرنے لگا دھواں گھر میں سجے ہیں فرش لہو سے تو در عذابوں سے اگی ہیں سخت زمینوں کی کھیتیاں گھر میں سکوں کی شکل ہو پیدا کوئی تو کیسے ہو یقیں ہے سرحد جاں سے پرے گماں گھر میں عجیب طور سے بدلے ہیں موسموں نے چلن بہار دشت میں رہتی ہے اور خزاں گھر میں الٹ گئے ہیں قرابت کے ضابطے سارے صبائیں قبر پہ چلتی ہیں آندھیاں گھر میں اسے ہی مان لیا ہم نے بخت کا ماویٰ بجا رہا تھا جو آسیب سیٹیاں گھر میں نہیں وہ آنکھ کہ ہم دشمنوں کو پہچانیں دبائے بیٹھے ہیں اپنوں کی ہڈیاں گھر میں عبادتوں نے بھی ڈھونڈے ہیں اب نئے مسکن نماز ہونے لگی دشت میں اذاں گھر میں اٹھا کے سر کبھی نکلے تو یہ نہ یاد رہا کہ چھوڑ آئے ہیں آبا کی پگڑیاں گھر میں ملا ہے باز عدالت کا در پہ کیا کیجے پڑی ہے خوف سے سہمی ہوئی زباں گھر میں ثبوت بے گہنی رہ گیا خیالوں میں رکھا صفائی کا یاروں نے ہر بیاں گھر میں ہے عرشؔ آج تو فطرت بھی ہمرکاب قضا گھٹائیں اوج فلک پر ہیں بجلیاں گھر میں
English rendering
Khuli faza ka ubharta nahin samaan ghar mein Nahin banate parinde ab aashiyaan ghar mein Jo chal rahi theen to dehka kaee dar-o-deewar Rukin hawaein to bharne laga dhuaan ghar mein Saje hain farsh lahoo se to dar azaabon se Ugi hain sakht zameeno ki khetiyaan ghar mein Sukoon ki shakal ho paida koi to kaise ho Yaqeen hai sarhad-e-jaan se pare gumaan ghar mein Ajeeb taur se badle hain mausamon ne chalan Bahaar dasht mein rehti hai aur khizaan ghar mein Ulat gaye hain qaraabat ke zaabte saare Sabaein qabr pe chalti hain aandhiyaan ghar mein Use hi maan liya hum ne bakht ka maava Baja raha tha jo aseeb seetiyan ghar mein Nahin woh aankh ke hum dushmano ko pehchanen Dabaaye baithe hain apnon ki haddiyan ghar mein Ibadaton ne bhi dhoonde hain ab naye maskan Namaz hone lagi dasht mein azan ghar mein Utha ke sar kabhi nikle to yeh na yaad raha Ke chhod aaye hain aaba ki pagdiyaan ghar mein Mila hai baaz adalat ka dar pe kya keejiye Padi hai khauf se sehmi hui zubaan ghar mein Saboot-e-be-gahani rah gaya khayalon mein Rakha safai ka yaaron ne har bayaan ghar mein Hai Arsh aaj to fitrat bhi ham-rikaab-e-qaza Ghataein auj-e-falak par hain bijliyaan ghar mein