کیا ساتھ ترا دوں کہ میں اک موج ہوا ہوں
کیا ساتھ ترا دوں کہ میں اک موج ہوا ہوں بس ایک نفس عرض تمنا کو رکا ہوں رہتا ہوں بگولوں کی طرح رقص میں بے تاب اے ہم نفسو میں دل صحرا سے اٹھا ہوں قطرہ ہوں میں دریا میں مجھے کچھ نہیں معلوم ہمراہ مرے کون ہے میں کس سے جدا ہوں اک لمحہ ٹھہر مجھ کو بھی ہمراہ لیے چل اے لیلیٰ ہستی ترا نقش کف پا ہوں اے ضبط نظر دے مرے ایماں کی گواہی تو ہی تو سمجھتا ہے کہ میں کون ہوں کیا ہوں چاہے بھی تو وہ مجھ سے جدا ہو نہیں سکتا وہ ہے مری زنجیر تو میں اس کی صدا ہوں میں عرش نشیں بھی ہوں ترے گھر کا مکیں بھی میں نکہت ایمان ہوں میں بوئے وفا ہوں
English rendering
Kya saath tera dooñ ke maiñ ik mauj-e-hawa hooñ Bas ek nafas arz-e-tamanna ko ruka hooñ Rehta hooñ bagooloñ ki tarah raqs meiñ be-taab Ay ham-nafso maiñ dil-e-sahra se utha hooñ Qatra hooñ maiñ darya meiñ mujhe kuch nahiñ maloom Hamrah mere kaun hai maiñ kis se juda hooñ Ik lamha thehar mujh ko bhi hamrah liye chal Ay Laila-e-hasti tera naqsh-e-kaf-e-pa hooñ Ay zabt-e-nazar de mere imaan ki gawahi Tu hi to samajhta hai ke maiñ kaun hooñ kya hooñ Chahe bhi to woh mujh se juda ho nahiñ sakta Woh hai meri zanjeer to maiñ us ki sada hooñ Maiñ Arsh-nashiiñ bhi hooñ tere ghar ka makeeñ bhi Maiñ nikhat-e-imaan hooñ maiñ boo-e-wafa hooñ