مانوس ہو گئے ہیں اندھے پرانے گھر سے
مانوس ہو گئے ہیں اندھے پرانے گھر سے باہر نہیں نکلتے ہم روشنی کے ڈر سے سائے کی آرزو میں لپٹے ہوئے ہیں ہم سب سنسان راستے میں آتش زدہ شجر سے ہم خاک ہو کے بھی ہر موج ہوا سے الجھے یعنی تری وفا کا سودا گیا نہ سر سے کیا کیا نہ گل کھلیں گے کیا کیا نہ جشن ہوں گے اس کشت آرزو میں بادل کبھی جو برسے تیرے حضور تھے ہم اپنی نظر سے اوجھل خود کو بھی آج دیکھا گر کر تری نظر سے اب تک ہمیں گماں ہے صحرا پہ گلستاں کا اک بار بے ارادہ گزرا تھا وہ ادھر سے کیوں مطمئن کھڑے ہو آسودگان ساحل دریا کا زور دیکھو گہرائی میں اتر کے دل کا سکوں لٹا تو سر کیوں رہا سلامت کیوں زندہ لوٹ آئے ہم عرشؔ اس کے در سے
English rendering
Maanoos ho gaye hain andhe puraane ghar se Baahar nahin nikalte hum roshni ke dar se Saaye ki aarzoo mein lipte hue hain hum sab Sunsaan raaste mein aatish-zada shajar se Hum khaak ho ke bhi har mauj-e-hawa se uljhe Yaani teri wafa ka sauda gaya na sar se Kya kya na gul khileinge kya kya na jashn honge Is kisht-e-aarzoo mein baadal kabhi jo barse Tere huzoor the hum apni nazar se ojhal Khud ko bhi aaj dekha gir kar teri nazar se Ab tak hamein gumaan hai sehra pe gulistan ka Ek baar be-iraada guzra tha woh idhar se Kyun mutmaeen khade ho aasuudgaan-e-sahil Darya ka zor dekho gehraayi mein utar ke Dil ka sukoon luta to sar kyun raha salaamat Kyun zinda laut aaye hum Arsh us ke dar se