منزل مرگ میں جینے کی ادا رکھتا ہوں
منزل مرگ میں جینے کی ادا رکھتا ہوں یعنی ہر حال میں انداز جدا رکھتا ہوں جز ہوا کوئی نہیں مونس و غم خوار مگر رات بھر کمرے کا دروازہ کھلا رکھتا ہوں اپنی فطرت کو سکھاتا ہوں غلامی تیری موج آزاد کو زنجیر بہ پا رکھتا ہوں گم ہوں قطرے کی طرح وقت کے دریا میں مگر اپنی ہستی کا طلسمات جدا رکھتا ہوں زیر پا ہیں مرے صحراؤں کے جلتے میداں سر پہ آلام کے شعلوں کی ردا رکھتا ہوں بحر آزار بھی ہے حد نظر تک رقصاں جذبۂ شوق اگر حد سے سوا رکھتا ہوں میری فریاد پہ کب باب عنایات کھلا ہائے کس منہ سے کہوں میں بھی خدا رکھتا ہوں غم نہ کر تو ہے اگر خوئے خرابی کا اسیر میں بھی آلام سے پیمان وفا رکھتا ہوں کیوں نہیں عکس ابد میں بھی سمندر جیسا نقش بر آب ہوں خالق سے گلا رکھتا ہوں عرشؔ میں خود ہوں سدا اپنے سکوں کا دشمن دشت امید بھی بر دوش ہوا رکھتا ہوں
English rendering
Manzil-e-marg mein jeene ki ada rakhta hoon Yaani har haal mein andaaz juda rakhta hoon Juz hawa koi nahin moonis-o-ghamkhwar magar Raat bhar kamre ka darwaza khula rakhta hoon Apni fitrat ko sikhata hoon gulami teri Mauj-e-azad ko zanjeer ba-paa rakhta hoon Gum hoon qatre ki tarah waqt ke darya mein magar Apni hasti ka tilismaat juda rakhta hoon Zeer-e-paa hain mere sehraon ke jalte maidaan Sar pe aalam ke sholon ki rida rakhta hoon Bahr-e-azaar bhi hai had-e-nazar tak raqsaan Jazba-e-shauq agar had se siwa rakhta hoon Meri faryaad pe kab baab-e-inayat khula Haaye kis munh se kahun main bhi khuda rakhta hoon Gham na kar tu hai agar khuy-e-kharabi ka aseer Main bhi aalam se paimaan-e-wafa rakhta hoon Kyun nahin aks-e-abad mein bhi samundar jaisa Naqsh bar aab hoon khaliq se gila rakhta hoon Arsh main khud hoon sada apne sukoon ka dushman Dasht-e-umeed bhi bar-dosh-e-hawa rakhta hoon