عرش صدیقی

English rendering

Utha jo dast-e-sitam qatl-e-be-nawa ke liye Nigah-e-shauq ne bose har ik ada ke liye Mahak hai tere shabistañ ki boo-e-zulf-e-saba Chali hai baad-e-saba ik shikasta pa ke liye Suno ke dil ko mere aitibar-e-zeest nahiñ Ruka hooñ ek nafas arz-e-muddaa ke liye Mere khayal ne pehna libas-e-harf o nida Sareer-e-khamah hai raqsañ meri nawa ke liye Diyar-e-dil to hua waqf-e-aahwaan-e-jawañ Ab aur koi banaayeñ ge ghar khuda ke liye Mere khayal ko qaid-e-makañ qabool nahiñ Hudood-e-bahr o biyabañ nahiñ hawa ke liye Rahi nazar meiñ hamare aroos-e-shauq mudam Fana-e-zeest rahe zeest ki baqa ke liye Kise batayeñ ke hum ne pila ke khoon-e-jigar Chaman meiñ phool khilaye teri qaba ke liye Khayal o rang o naqoosh o haroof o lauh o qalam Bichhe haiñ daam-e-jamal-e-gurez-pa ke liye